دەنگدان بۆ ڕیفراندۆم لە باشوری كوردستان كۆتایهات و کەمترین ڕێژەی بەشداریکردن لە سلێمانی و هەڵەبجە بووە.
لەكۆنگرەیەكی ڕۆژنامەوانیدا، شێركۆ میروەیس لێپرسراوی مەڵبەندی خانەقینی یەكێتی رایگەیاند "لەقەزای خانەقین بەڕێژەی 96%، جەلەولا بەڕێژەی 87.5% لەناحیەی جەبارە ڕێژەی 76% ، لەسەعدیە لەكۆی 31 هەزارو 251 كەس، 12 هەزارو 402 كەس بووە".
لێپرسراوی مەڵبەندی خانەقینی یەكێتی ئاماژەی بەوەشدا لەقەرەتەپە سەرەرای ئەوەی ڕێژەی كورد لەگەڵ توركمان و عەرەب كەمترە، بەڵام "لەپای خزمەتی ڕێكخستنەكانمان لەوسنورە 62%ی قەرەتەپە بەشداریان لەپرۆسەی ریفراندۆم كردوە".
هاوکات بەپێی ەو زانیاریانەی لە کۆمیسیۆنی باڵای سەربەخۆی هەڵبژاردن و ڕاپرسیەوە دەست "سپی میدیا" کەوتووە ڕێژەی بەشداریکردن لە پارێگای سلێمانی (50%) کەمترە و لە هەڵەبجەش گەیشتۆتە (50%).
سەبارەت بە ئامارەکان لە هەولێرو دهۆکیش ئەو سەرچاوەیەی کۆمیسیۆن ئاشکرایکرد ڕێژەی بەشداریکردن لە هەولێر لە سەروی (80%)وەیە و لە دهۆکیش گەیشتۆتە (90%).
سەبارەت بە کەرکوکیش ئەو سەرچاوەیەی کۆمیسیۆن ئەوەی بۆ "سپی" ئاشکراکرد کە ڕێژەی بەشداریکردن لە دەنگدان لەوشارە (80%)بووە.