ناوەندی راگەیاندنی پەكەكە كوژرانی 42 سەربازی لەمیانی شەڕوپێكدادانی چەند ناوچەیەكی باكوری كوردستان راگەیاند.

ناوەندی ڕاگەیاندنی هێزەكانی پاراستنی گەل، باڵی سەربازی پەكەكە، رایگەیاند: رۆژی پێنجشەممە دوو یەکینەی سوپای توركیا ناوچەی خەرەگۆل کە لەژێر کۆنتڕۆڵی پەكەكەدا، بەڵام هێزەكانیان رووبەڕوویان بوونەوە و لەو چالاکییەدا 11 سەربازی تورکیا کوژران.

ئەوەشیخستەڕوو كە بەرەبەیانیی ڕۆژی 19ی مانگیش فڕۆکە جەنگییەکانی توركیا سوپای تورک گردی شەهید سیداریان بۆردومان کردو پاشان شەڕێكی لە نێوان هێزەکانیان و سەربازانی توركیا روویدا و بەهۆیەوە 14 سەربازی كوژران، دواتریش دەستەیەکی دیکەی سوپای تورکیا بۆ هەناوەچوونی سەربازەكانیان هەوڵیاندا خۆیان بگەیەننە شەڕەكە، ئەوانیش کرانە ئامانج و لەوێشدا 6 سەرباز کوژران.

هەپەگە بڵاویشیكردەوە كە رۆژی پێنجشەممە لە سەر گردی بەیرەق پەكەكە چالاکییەکی دژی پوای توركیا ئەنجام داو تێیدا 4 سەرباز كوژران هاوكات لە گردی شەهید مونزوریش 2 سەربازی دیكە كوژران.

هێزەكانی پاراستنی گەل راشیگەیاند كە لە ئاكامی دوو چالاكی دیكەی هێزەكانیان لە چەلێ و گەڤەر، دوو فەرماندە و دوو سەرباز و لە قەڵا پەریخانی سەربە گەڤەریش سەربازێك كوژران.