بەهۆی سکاڵای دەستەی دەسپاکیی هەرێمی کوردستان، دوو بەڕێوەبەری پێشووی دوو فەرمانگە لە شاری هەولێر دەستگیر کران.
میدیاكانی پارتی لەزاری سەرچاوەیەکی باڵا لە پۆلیسی هەولێر راگهیاندووە "هەردوو بەڕێوەبەری پێشووی (سایلۆی هەولێر) و (چاودێریی بازرگانی) لەلایەن پۆلیس و بە بڕیاری دادگا دەستگیر کراون".
سەرچاوەکە ئاماژەی بۆ ئەوەشکردوە "دەستگیرکردنی ئەو بەڕێوەبەرانە لەسەر سکاڵای دەستەی دەسپاکیی هەرێمی کوردستان و ئێستا لێکۆڵینەوە لە دۆسیەکانیاندا دەکرێت".
جەختی لەوەش کردۆتەوە کە تا ئەوکاتەی لێکۆڵینەوەکە تەواو دەبێت و دادگا بڕیاری کۆتایی دەدات، ئەو دوو بەڕێوەبەرەی پێشوو ئازاد ناکرێن، تەنیا ئەگەر دادوەر فەرمانێکی دیکە دەربکات و وتیشی "دەستگیرکردنی ئەو دوو بەڕێوەبەرە لە چوارچێوەی پرۆسەی چاکسازییە".