لە شاری سلێمانی خۆپیشاندان بەردەوامە و ڕێگا نادرێت خۆپیشاندەران بچنە سەرای سلێمانی.
پەیامنێری "سپی" لە شاری سلێمانیەوە ڕایگەیاند خۆپیشاندان لە شاری سلێمانی بەردەوامی هەیە و خۆپیشاندەران دەیانەوێت بچنە سەرای سلێمانی".
ئەو خۆپیشاندەرانە كە لە سەرجەم كۆڵانەكانی كە دەچنەوە سەرا بڵاوبوونەتەوە چەند جارێك هەوڵیان داوە بچنە سەرای سلێمانی بەڵام لەلایەن هێزە ئەمنیەكانەوە تەقە بەسەر خۆپیشاندەراندا دەكرێت و بۆمبی فرمیچسك ڕێژ بەكار هێنراوە بۆ دوورخستنەوەی خۆپیشاندەران لە سەرای ئازادی.
خۆپیشاندانی ئەمڕۆش وەك رۆژانی رابردوو دروشمی خۆپیشاندان چاككردنی خزمەتگوزاریەكان و پێدانی مووچەی تەواوی مووچەخۆران و دژایەتیكردنی گەندەڵی و لێپرسینەوە لە گەندەڵكاران، دروشمی رووخانی ئەم حكومەتەش یەكێكە لەداواكارییەكانی تری خۆپیشاندەر.