سەرۆكایەتی داواكاری گشتی هەرێمی كوردستان داوا لە دادگای لێكۆڵینەوەی سلێمانی دەكات، بەتۆمەتی هاندانی خۆپیشاندان رێكاری یاسایی لە دژی شاسوار عەبدولواحید بگرنەبەر.
بە پێی نوسراوی ژمارە ( 744 )ی داواكاری گشتی هەرێم كە ئەمڕۆ 19ی كانونی یەكەم دەرچووە، داوای لە دادگای لێكۆڵینەوەی سلێمانی كردووە كە بە پێی یاسای داواكاری گشتی ژمارە 159 ی ساڵی 1979 بفەرموون بۆ گرتنەبەری رێكاری یاسایی پێویست دژی شاسوار عەبدولواحید، سەرۆكی جوڵانەوەی نەوەی نوێ.
لەبەشێكی دیكەی ئەو نوسراوەدا هاتووە "شاسوار عەبدولواحید هانی خەڵكی داوە بۆ خۆپیشاندان و جووڵە پێكردنیان و لە ئەنجامدا ئەم خۆپێشاندانەش دەرئەنجامی خراپی لێكەوتۆتەوە".