ئێوارەی ئەمڕۆ ئۆرسۆلا ڤۆن دێرلاین وەزیری بەرگری ئەڵمانیا جارێکی دیکە بە سەردانێک گەیشتە هەولێری پایتەختی هەرێمی کوردستان.
ڤۆن دێرلاین پێشووتر چەند جارێک سەردانی هەرێمی کوردستان و شاری هەولێری کردووە ، بەپێی زانیارییەکان وابڕیارە لەو سەردانەشیدا لەگەڵ بەرپرسانی باڵای هەرێمی کوردستان کۆببێتەوە.
ئەڵمانیا یەکێکە لەو وڵاتانەی کە ئەندامن لە هاوپەیمانییەتی دژی داعش و لە ماوەی ڕابردوودا لە شەڕی پێشمەرگە لەگەڵ رێکخراوی تیرۆریستی داعش لە ڕووی چەک و مەشق و ڕاهێنانەوە هاوکارییەکی بەرچاویی هێزەکانی پێشمەرگەی کوردستانی کردووە.