بەفر بارین لە چەند ناوچەیەکی هەرێم دەستیپێکرد و کەشناسی دەڵێت "پلەکانی گەرما دادەبەزێت".
لەئێستادا لە پیرمام و سەنتەرى قەزای مێرگەسوور بەفر بارین دەستیپێکردووە و ئاستەنگى بۆ هاتووچۆ دروستکردووە و مەودای بینین کەمبۆتەوە.
هاوکات لە ئێستادا لە زێوێ لە نزيك شارۆچكهى پيرهمهگروون بەفر دەبارێت و لە سنوری ئامێدیش 50سم بەفر باریوە.
بەگوێرەی پێشبینیەکانی کەشناسیش ئەمڕۆ لە سەرجەم پارێزگاکانی ھەرێمی کوردستان باران دەبارێت، لە ناوچە شاخاوییەکانیشدا بەفر دەبارێت، ئەگەری بەفربارین لە سەنتەری پارێزگای دھۆک و سلێمانی ھەیە.
کەشناسیی ھەرێمی کوردستان ئەوەشی خستووەتە ڕوو، سبەی پێنجشەممە 10/1/2019، لە سەرجەم پارێزگاکانی ھەرێمی کوردستان ئاسمان ساماڵ و پەڵە ھەور و سارد دەبێت، لەگەڵ دروستبوونی شەختە لە کاتەکانی بەیانیی زوودا.