وتەبێژی یەکێتی نیشتمانی کوردستان رایگەیاند" سبەی ١٢ی ئازار مەکتەبی سیاسی پارتی و یەکێتی لە هەولێر کۆدەبنەوە".
لەتیف شێخ عومەر وتەبێژی سەرکردایەتی یەکێتی لە لێدوانێکی رۆژنامەوانیدا رایگەیاند" کۆبوونەوەکە بەمەبەستی گفتوگۆکردنە لەسەر ئەو پۆستانەی کە یەکێتی لە کابینەی نۆیەمی حکومەت وەریان دەگرێت".
رۆژی ٤ ی ئازار یەکێتی و پارتی لەهەولێر رێککەوتنێکی ١٨ خاڵی و پاشکۆیەکی تایبەت بەکەرکوکیان واژوو کرد، ئەو رێککەوتنە نەچۆتە بواری جێبەجێکردنەوە لەسەر یەکلایی نەبوونەوەی پۆستەکانی یەکێتی لە هەر سێ سەرۆکایەتییەکە.