حکومەتی هەرێم گەشت لەخاوەن کۆمپانیا قەرزارەکان قەدەغە دەکات

‌

بەڕێوەبەری گشتیی باجه‌كان له‌ وه‌زاره‌تی دارایی و ئابووریی حکوومەتی هەرێمی کوردستان رایگەیاند" ئەو کۆمپانیایانەی کە قەرزی حکومەتیان لەسەرە لە کۆمپانیاکان و باجی عەقار و زۆر جۆری دیکەی قەرزی گشتی، ئاگادار دەکرێنەوەو ئەگەر بەدەم دانەوەی قەرزەکانەوە نەچوون، گەشتیان لێقەدەغەدەکرێت".

‌د. كه‌مال ته‌یب، بەڕێوەبەری گشتیی باجه‌كان له‌ وه‌زاره‌تی دارایی و ئابووریی حکوومەتی هەرێمی کوردستان لە لێدوانێکی رۆژنامەوانیدا ڕاگەیاندووە "رێكاری زۆر توند به‌رانبه‌ر ئه‌وانه‌ ده‌گیرێته‌ به‌ر کە باج ناده‌ن“.

ڕوونیشی کردەوە، ئەو کەسانەی باج نادەن یه‌كه‌مجار ئاگادار ده‌كرێته‌وە، ئه‌گه‌ر نەچوون، لێژنه‌یه‌ك دروست ده‌كرێت و بڕی قه‌رزه‌كه‌ی ده‌كرێته‌ نووسراو، ئه‌گه‌ر هەر نەچوون بۆ دانی باجەکە، ئاگاداری دووه‌م ده‌كرێنەوە.

بەڕێوەبەری گشتیی باجەکان کە بەماڵبەڕی باسی راگەیاندووە پاش ئاگادارکردنەوەی دووەم، سزا دەستپێدەکات و دەست بەسەر موڵک و ماڵی قەرزارەکەدا دەگیرێت، دواتر وەزارەتی ناوخۆ ئاگادار دەکرێتەوە تاوەکوو گەشتکردن لە کەسانی قەرزار قەدەغە بکات.

ئەوەشی ئاشکرا کرد کە ئێستا دەست بە ڕێگریکردن لە گەشتکردنی چەند کەسێک کراوە و ”لەمبارەیەوە وەزارەتی ناوخۆ نووسراو بۆ فڕۆکەخانەکان دەکات“.

ئەوە لە کاتێکدایە کە ژمارەیەکی بەرچاویش لە کۆمپانیاکانی سەر بەحیزب و کەسانی حیزبی و کەسوکارەکانیان کە خاوەن کۆمپانیان قەرزاری حکومەتن.
 



PM:04:37:21/09/2019






ئەستێرەکان

Spee Media