هەڵمەتی کوتان لە شاری سلێمانی و هەڵەبجە دەستپیکرد

‌

ئەمڕۆ یەک شەممە ڕێکەوتی ٢٢ ی ئەیلولی ٢٠١٩ بەڕێوەبەرایەتی گشتی تەندروستی سلێمانی ڕایگەیاند"هەڵمەتێکی نیشتیمانی کوتان دژی نەخۆشی ئیفلیجی منداڵان لە شاری سلێمانی و هەڵەبجە جێبەجێ دەکەن و هەڵمەتەکە هەمو ئەو منداڵانە دەگرێتەوە لە تەمەنی خوار پێنج ساڵەوەن".  

بەرێوبەرایەتی گشتی تەندروستی سلێمانی، لە راگەیەندراوێکدا ڕایدەگەیەنێت: کە هاوڵاتیان ئاگادار دەکەینەوە لە سنووری پارێزگای سلێمانی و هەڵەبجە و دەڤەری گەرمیان و ڕاپەرین و کەمپەکانی باریکە، ئاشتی، عەربەت، تازەدێ و قۆرەتو، کە هەڵمەتێکی نیشتیمانی کوتان دژی نەخۆشی ئیفلیجی منداڵانی تەمەن خوار پێنج ساڵانەوە جێبەجێ دەکەین لە 29ی ئەم مانگە تاوەکو سێ مانگی ئایندە بۆ ماوەی پێنج رۆژ هەڵمەتەکەمان بەردەوام دەبێت. 

هەروەها بەڕێوبەرایەتی گشتی تەندروستی سلێمانی رێنمای دایکان و باوکان دەکات لە رێگەی تیمە گەرۆك و جێگیرەكانیانەوە كە لە بەڕێوەبەرایەتی تەندروستی سەرپەرشتی دەكرێت منداڵەکانیان دژی نەخۆشی ئیفلیجی منداڵان بکوتن، لە کاتێکدا ئەگەر چەند جار كوتانیشی بۆ منداڵەکەی کردبێت یان سەرە كوتانیشی بێت تكایە منداڵەكانتانی لێبێ‌ بەش مەكەن و منداڵەکانتان بکوتن. 
 



AM:10:41:22/09/2019






ئەستێرەکان

Spee Media