تەندروستی سلێمانی: نەخۆشخانەی فریاکەوتنی سلێمانی داناخرێت

‌


‌بەرێوه‌به‌ری گشتی ته‌ندروستی سلێمانی داخستنی نه‌خۆشخانه‌ی فریاكه‌وتن ره‌تده‌كاته‌وه‌ و دەڵیت " نه‌خۆشخانه‌ی شار گونجاوه‌ بۆ ئه‌وه‌ی بكرێته‌ فریاكه‌وتن".


ئه‌مڕۆ چوار شه‌ممه ٢٥ ی ئەیلول، سه‌باح نه‌سڕه‌دین، به‌رێوه‌به‌ری گشتی ته‌ندروستی سلێمانی له‌ كۆنگره‌یه‌كی رۆژنامه‌وانیدا ده‌نگۆی داخستنی نه‌خۆشخانه‌ی فریاكه‌وتنی ره‌تكرده‌وه‌ و رایگه‌یاند "ئه‌و نه‌خۆشخانه‌یه‌ داناخرێت".


ئه‌وه‌شی خسته‌ڕوو "نه‌خۆشخانه‌ی شار گونجاوه‌ بۆ ئه‌وه‌ی بكرێته‌ فریاكه‌وتن، چونكه‌ شوێنه‌كه‌ی گونجاوه‌ و هاوڵاتیان ده‌توانن زووتر بگه‌نه‌ ئه‌و نه‌خۆشخانه‌یه‌ كه‌ له‌سه‌ر شه‌قامی شه‌ست مه‌تریه‌، هه‌روه‌ها نه‌خۆشخانه‌ی شار له‌سه‌ر نه‌خشه‌ی فریاكه‌وتن دروستكراوه‌ و له‌ نه‌خۆشخانه‌ی فریاكه‌وتنی سلێمانی خزمه‌تگوزاری پێویست ناتوانرێت پێشكه‌ش بكرێت، به‌ڵام ئه‌و خزمه‌تگوزاریانه‌ له‌ نه‌خۆشخانه‌ی شار ده‌توانرێت پێشكه‌ش بكرێت".


لە درێژەی قسەکانیدا وتیشی "به‌داخه‌وه‌ له‌ هه‌ندێك كاتدا كه‌رتی گشتی به‌كارهێنراوه‌ له‌ به‌رژه‌وه‌ندی كه‌رتی تایبه‌ت و هه‌ندێك پزیشك له‌ نه‌خۆشخانه‌وه‌ نه‌خۆش ره‌وانه‌ی كلینكی تایبه‌تی خۆی ده‌كات له‌ به‌رژه‌وه‌ندی خۆی".
 



PM:02:15:25/09/2019






ئەستێرەکان

Spee Media