ئەمریکا دڵنیایی بە کورد دەدات
"کورد به‌شدار دەبێت له‌ نوسینه‌وه‌ی ده‌ستوری سوریا"

‌
جیمس جێفری نوێنه‌ری تایبه‌تی ئه‌مریكا بۆ كاروباری سوریا دڵنیایی دەداتە کوردانی رۆژئاوا و رایگه‌یاند كه‌ هێزه‌كانی سوریای دیموكرات و ئیداره‌ی خۆسه‌ری باكوری سوریا به‌شدار ده‌بن له‌ كاره‌كانی لیژنه‌ی نوسینه‌وه‌ی ده‌ستوری سوریا.

له‌ لێدوانیكدا بۆ رۆژنامه‌نوسان، جێفری رایگه‌یاند كه‌ لیژنه‌ی نوسینه‌وه‌ی ده‌ستوری نوێی سوریا له‌ 50 كه‌س پێكهاتووه‌و له‌لایه‌ن نه‌ته‌وه‌یه‌كگرتووه‌كانه‌وه‌ ده‌ستنیشان ده‌كرێن و ئیداره‌ی خۆسه‌ری باكوری خۆرهه‌ڵاتی سوریاش نوێنه‌ری تێدا ده‌بێت.

جێفری وتیشی: ئه‌م پرسه‌مان به‌به‌رده‌وامی له‌گه‌ڵ توركیادا باسكردووه‌و به‌دڵنیاییه‌وه‌ هێزه‌كانی سوریای دیموكرات و ئه‌نجومه‌نه‌ دیموكراتییه‌كانی باكوری سوریا به‌شدار ده‌بن له‌ نوسینه‌وه‌ی ده‌ستوری سوریادا.

ئەوەش لەکاتێکدایە توركیا به‌ ئاشكرا رایگه‌یاندووه‌ كه‌ نابێت ئیداره‌ی باكوری سوریا به‌شێك بێت له‌ پرۆسه‌ی سیاسی داهاتووی ئه‌و وڵاته‌.
 



PM:01:45:27/09/2019






ئەستێرەکان

Spee Media