" بەڵێنی سێ سەرۆکایەتییەکەی عێراق به‌خۆپیشانده‌ران ناڕاستن و جێبه‌جێناكرێن "

‌


وه‌زیرى پێشووترى دارایى عێراق و ئه‌ندامى مه‌كته‌بى سیاسى پارتى دیموکراتی کوردستان ڕایگەیاند" خۆپیشاندانه‌كان دژى حكومه‌ت به‌رده‌وامن و له‌چه‌ند ناوچه‌یه‌كى جیاوازى به‌غداد و باشوورى عێراق درێژه‌ى هه‌یه".

‌ هۆشیار زێبارى،  وه‌زیرى پێشووترى دارایى عێراق و ئه‌ندامى مه‌كته‌بى سیاسى پارتى دیموکراتی کوردستان بەکەناڵی ئاڕتی ڕووسی ڕادەگەیەنێت: به‌ڵێنى سێ سه‌رۆكایه‌تییه‌كه‌ى عێراق به‌خۆپیشانده‌ران ناواقعین و هیچیان جێبه‌جێناكرێن، هەروەها  كورتهێنانى بودجه‌ى ساڵى ٢٠٢٠ له‌ ٣٠ ملیار زیاتر ده‌بێت و داواشى له‌ به‌رپرسانى عێراق دەکەین به‌پێى پێیوست له‌و ڕووه‌وه‌ ڕاستگۆبن.

هۆشیار زێباری لەدایکبووی ٢ی کانوونی یەکەمی ١٩٥٣، سیاسەتمەداری کورد و عێراقییە، لە ٨ی ئەیلوولی ٢٠١٤ بووەتە وەزیری دارایی عێراق، پێشتریش لەهەردوو خولی هەڵبژاردندا ٢٠٠٦ و ٢٠١٠ بووەتە وەزیری دەرەوەی عێراق ،لەساڵی ١٩٧٦ بڕوانامەی زانستە سیاسییەکانی لە زانکۆی ئەرەدن لە عەممان وەرگرتووە وە هەڵگری بڕواننامەی ماستەرە لە کۆمەڵناسی، هۆشیاری زێباری ئەندامی لیژنەی ناوەندی و ئەندامی مەکتەبی سیاسی پارتی دیموکراتی کوردستانە. 

هاوکات مانگى كانونى یه‌كه‌مى ساڵى ٢٠١٦، له‌ په‌رله‌مانى عێراق و به‌كۆى ده‌نگى ١٥٨ په‌رله‌مانتار متمانه‌ له‌ هۆشیار زێبارى وه‌زیرى پێشووترى دارایى عێراق سه‌نرایه‌وه‌، به‌هۆى تۆمه‌تباركردنى به‌ گه‌نده‌ڵى و كه‌مته‌رخه‌مى له‌كاره‌كانیدا. 
 



PM:01:06:06/10/2019






ئەستێرەکان

Spee Media