ئاڵدار خەلیل: رێککەوتنەکە تەنیا بۆ رووبەڕووبوونەوەی دوژمنکاریی تورکیایە

‌


ئەندامی دەستەی جێبەجێکاری تەڤگەری کۆمەڵی دیموکراتی "تەڤدەم" ڕایگەیاند" ئێمە داواوی سەربەخۆی کوردستانمان نەکردووە، بپێچەوانەوە، ئێمە سەلماندوومانە کە یەکێتیی خاک و کۆمەڵگەی سووری دەپارێزین".

 ئاڵدار خەلیل، ئەندامی دەستەی جێبەجێکاری تەڤگەری کۆمەڵی دیموکراتی "تەڤدەم" لەواڵی تایبەتیی خۆی لە تۆڕی کۆمەڵایەتیی "تیوەر" ڕایدەگەیەنێت: رێککەوتنەکە تەنیا رێکارێکی بەپەلە بوو بۆ رووبەڕووبوونەوەی دوژمنکاریی تورکیا، هەروەها ڕێکەوتنی ئیدارەی خۆجێی و ڕژێمی سووریا هەنگاوێکی خۆپارێزی بوو بۆ پاراستنی سنوورەکانی ڕۆژئاوای کوردستان. 

ئەندامەکەی دەستەی جێبەجێکاری تەڤگەری کۆمەڵی دیموکراتی "تەڤدەم" جەختیشیکردەوە: ئێمە داوای سەربەخۆیی رۆژئاوای کوردستانمان نەکردووە، بپێچەوانەوە ئێمە سەلماندوومانە کە یەکێتیی خاک و کۆمەڵگەی سووری دەپارێزین. 

رۆژی چوارشەممە ٩ی تشرینی یەکەم، بە سەرپەرشتیی رەجەب تەییب ئەردۆغان، سەرۆک کۆماری تورکیا، هێرشی زەمینی و ئاسمانیی سوپای تورکیا و گرووپە توندڕەوەکانی ئۆپۆزیسیۆنی سووریا بۆ سەر رۆژئاوای کوردستان، دەستی پێ کرد. 
 



AM:08:58:14/10/2019






ئەستێرەکان

Spee Media