دەزگای دژە تیرۆر راگەیاندنێک دەردەکات

‌
دەزگای دژە تیرۆر رایگەیاند " سەرلەبەری ئەو هەواڵە رەتدەكەنەوە كە گوایە بەسەرپەرشتی لاهور شێخ جەنگی، هێزێكی كوردی قەناس بەدەست چوبن بۆ بەغدا".


لە راگەیاندراوێکدا دەزگای دژە تیرۆر، ئەمڕۆ پێنجشەممە، رایگەیاند"كه‌ناڵی (العهد)ی سه‌ر به‌ قه‌یس خه‌زعه‌لی(ئەمینداری گشتی بزوتنەوەی عەسائیبی ئەهلی هەق)، هه‌واڵێكی بێ بنه‌مای بڵاوكردۆته‌وه‌‌ كه‌ گوایه‌ به‌سه‌رپه‌رشتی به‌ڕێز لاهور شێخ جه‌نگی، هێزێكی كوردی قه‌ناص به‌ده‌ست چون بۆ به‌غدا."


لەو راگەیاندەدا کە دانەیەکی دەست سپی کەوتووە، دەزگای دژە تیرۆر وتوشیەتی"له‌كاتێكدا ئێمه‌ سه‌رله‌به‌ری ئه‌م هه‌واڵه‌ ره‌تده‌كه‌ینه‌وه‌و ئیدانه‌ی هه‌ر جۆره‌ توندوتیژییه‌ك ده‌كه‌ین دژ به‌ هاوڵاتیانی خۆشه‌ویست، ئه‌وه‌ش دوپات ده‌كه‌ینه‌وه‌، كه‌ بڵاوكردنه‌وه‌ی ئه‌م هه‌واڵانه‌‌، درێژكردنه‌وه‌ی یارییه‌كی نه‌گریسی ئیقلیمییه‌ بۆ تێوه‌گلاندنی كورد له‌ كه‌یسی توندوتیژی به‌مه‌به‌ستی ئاڵۆزكردنی دۆخی ئارامی و ئاسایشی عێراق و هه‌ڵگیرساندنی شه‌ڕی تایه‌فی و شاردنه‌وه‌ی بكه‌رانی راسته‌قینه‌ی تاوانكاری."


لەكۆتایی راگەیەندراوەكەی دژە تیرۆردا هاتوە"به‌م رونكردنه‌وه‌یه‌، داوا ده‌كه‌ین كه‌ناڵی (العهد) راستگۆیی بكاته‌ پێوه‌ری كاركردنی و له‌ هه‌ڵبه‌ستی هه‌واڵی ناڕاست دوربكه‌وێته‌وه‌ و به‌رامبه‌ر به‌و چه‌واشه‌كارییانه‌، داوای لێبوردن له‌ گه‌لی كوردستان و ده‌زگای دژه‌ تیرۆر بكات."


بڕیارە سبەی لە بەغداو چەند شارێكی دیكەی باشوری عێراق خۆپیشاندانەكان دەست پێ بكەنەوە.
 



PM:11:43:24/10/2019






ئەستێرەکان

Spee Media