بەتەمەنترین کەسی هەرێم و عێراق کۆچی دوایی کرد

‌
سەلمە عەبدولقادر بە تەمەنترین ژنی هەرێمی كوردستان وعێراق کە دانیشتووی لە قەزای شارەزوور لە تەمەنی 122 ساڵیدا كۆچی دوایكرد، كە خاوەنی 250 نەوەیە، 40 ساڵ لەمەوبەر هاوسەرەكەی كۆچی دوایكردووە.


سەردار فایەق، یەكێك لە نەوەكانی (سەلمە عەبدولقادر) ناسراو بە نەنە سەلمە بە میدیاکانی ڕایگەیاند: ئەمڕۆ نەنە سەلمە لە تەمەنی 122 ساڵیدا لە قەزای شارەزوور كۆچی دواییكرد، ئەوەش دوای ئەوەی كە ماوەی چەند مانگێك بوو بە تەواوەتی باری تەندروستی تێكچوو بوو، كۆچی دواییشی نیگەرانییەكی زۆری لای ئێمە دروستكرد چونكە هەموومان شانازیمان بە نەنە سەلمەوە دەكرد كە وەك بە تەمەنترین ژنی عێراق و هەرێمی كوردستان ناوی دەرچووبوو".


ئاماژەی بەوەشكرد، نەنە سەلمە خاوەنی 250 نەوەیە لە 1/7/ 1897 لە گوندی (قەڵبەزە)ی ناوچەی شارەزوور لەدایك بووە، 40 ساڵ لەمەوبەر هاوسەرەكەی كۆچی دواییكردووە، لەماوەی 122 ساڵ تەمەنیدا هیچ جۆرە نەشتەرگەرییەكی بۆ ئەنجام نەدراوە خاوەن جەستەیەكی تەندروست بووە، تا پێش چەند مانگێكیش دەیتوانی بە قاچەكانی خۆی بڕوات و زۆر جۆر خواردنیش بخوات ئەمەش ببوە جێگەی سەرنجی پزیشكەكان.


ئەو نەوەیەی (سەلمە عەبدولقادر) بۆ دواڕۆژ ئەوەشی خستەڕوو، نەنە سەلمە خاوەن پێنج كوڕ و سێ‌ كچ بووە، لە ساڵی 1974 یەكێك لە كوڕەكانی كە پێشمەرگە بووە شەهید دەبێت، ئەمەش لە بیری نە نەسەلە دەمێنێتەوە تا چەند ساڵێك ئەم ڕووداوەی هەر لەبیردا دەمێنێتەوە لە بیری نەدەچوەوە.
 



AM:12:13:19/12/2019






ئەستێرەکان

Spee Media