پێدانی کارەبانی هەولێر و دهۆک چاک دەبێت

‌
وتەبێژی وەزارەتی کارەبای حکوومەتی ھەرێمی کوردستان ڕایگەیاند" سبەی کاری تێکەڵکردنی ھێڵی کارەبای ھەولێر – زەنگەنان و کارەبای دھۆک تەواو دەبێت، بە چەند قۆناغێکیش وێستگە وەستاوەکانی کارەبا بەگەڕ دەخرێنەوە".


لە لێدوانیکی رۆژنامەووانیدا، ئومێد ئەحمەد وتەبێژی وەزارەتی کارەبا ڕاگەیاند " سبەی شەممە کاری تێکەڵکردنەوەی ھێڵی کارەبای ھەولێر – زەنگەنان و کارەبای دھۆک تەواو دەببێت، بەوەش کێشەی نزمی ڤۆڵتییەی کارەبای دھۆک چارەسەر دەبێت و کاریگەریی ئەرێنیشی بۆ کارەبای ناوچەکانی دیکە دەبێت".


هەروەها هاتووە" بە پێی پلانێکی وەزارەتی کارەبا و بەھۆی گرانی نرخەکەی، دەیانەوێ کارپێکردنی وێستگەکانی کارەبا لە گازەوە بکەنە غاز، چونکە پێشتر زۆر وێستگە بەھۆی نەبوونی گازەوە وەستابوون، ئەوەش کاری کردبووە سەر پێدانی کارەبا".


ئومێد ئەحمەد ئەوەشی ڕوون کردەوە تا ئێستا ئەو وێستگانەی کراون بە غاز، بەرھەمی کارەبایان ٦٠٠ مێگاواتە، بڕیارە بە چەند قۆناغێکی دی کارپێکردنی تەواوی وێستگەکان بکەنە غاز، بەوەش بە تێچووەکی کەم بڕە کارەبایەکی باشتر و بێ گرفت بەرھەم دەھێنن.
 



PM:11:45:20/12/2019






ئەستێرەکان

Spee Media