" کۆمپانیایەک دەبێتە هۆی گرانبوونی غازی ماڵان"

‌


ئه‌ندامێكی په‌رله‌مانی كوردستان هۆكاری ئاشکراکردنی گرانبوونی نرخی غازی ماڵان ئاشکرا دەکات و، ئاماژە بۆ ئەوە دەکات بەهۆی گرێبەستێکەوەیە کە حكومه‌تی هه‌رێم لەگەڵ کۆمپانیایەکدا کردوویەتی.


سۆران عومه‌ر، ئه‌ندامی په‌رله‌مانی كوردستان لەسەر لیستی کۆمەڵا له‌ په‌ڕه‌ی تایببه‌تی خۆی له‌ فه‌یسبووك بڵاویكردووه‌ته‌وه‌ "گرێبه‌ستێك بۆ غاز كه‌ ده‌رچووه‌ بۆ كۆمپانیایه‌ك، هێشتا پابه‌ندنه‌بووه‌ به‌ جێبه‌جێكردنی، وه‌زاره‌تی سامانه‌ سروشتیه‌كان ماوه‌ی كاركردن به‌ گرێبه‌سته‌كه‌ بۆ كۆمپانیای پێشوو درێژ ده‌كاته‌وه‌، ئه‌مه‌ كارێكی نایاساییه‌ و بۆته‌ هۆی گرانبوونی غازی ماڵان، پێویسته‌ كۆمپانیای یه‌كه‌م كه‌ پابه‌ند نیه‌، كۆمپانیای پاش ئه‌و كاره‌كه‌ی پێبدرێت".


ئەو پەرلەمانتارە دەشڵیت "كۆمپانیای یه‌كه‌م ئه‌گه‌ر له‌ رێكه‌وتی 1 ی 2 ی 2020 ه‌وه‌ به‌و نرخه‌ ده‌ست به‌كاربێت، واده‌كات غاز گرانتر بكات، ده‌ستخۆشی له‌ خاوه‌ن كارگه‌كانی غاز كه‌ نه‌چوونه‌ته‌ ژێر باری گرانكردنی بتڵی غاز یان كه‌متێكردنی غاز، وه‌ك ئاماژه‌ی پێده‌كه‌ن بتڵێك پێویسته‌ 28 كیلۆ بێت، به‌ قه‌پان ده‌یده‌ن به‌ بریكاره‌كان، كه‌متر بێت وه‌رناگیرێت".


پەرلەمانتار جەخت لەسەر چارەسەر دەکاتەوەو دەڵێت"ئه‌ركی حكومه‌ته‌ رێبگرێت له‌ گرانبوونی غاز و له‌ رێكه‌وتی 1 ی 2 ی 2020 ه‌وه‌ چاودێری جێبه‌جێكردنی گرێبه‌سته‌كه‌ی ده‌كه‌ین". 
 



AM:10:09:21/01/2020






ئەستێرەکان

Spee Media