وەزارەتی تەندروستی: بۆ ڕێگری كردن لە كۆرۆنا هەنگاوی نوێ دەگرینەبەر

‌
وەزارەتی تەندرووستی حكومەتی هەرێم ڕایدەگەیەنێت" جێگەیەكی تایبەتیان دابینكردووە بۆ چاودێریكردنی ئەو كەسانەی لەو وڵاتانەوە دەگەڕێنەوە بۆ هەرێمی كوردستان كە نەخۆشی كۆرۆنایان تیادا بڵاوبووەتەوە".

ئەمڕۆ دوشەممە ١٠ی شوباتی ٢٠٢٠ محەمەد قادر خۆشناو، وتەبێژی وەزارەتی تەندروستی هەرێم رایگەیاند" ئەو كەسانەی لە وڵاتێكەوە كە نەخۆشی كۆرۆنای تیادا بڵاوبووەتەوە دەگەڕێنەوە هەرێم، دەخرێنە ژێر چاودێری پزیشكییەوە بۆ ماوەی دوو هەفتە، تا ئەوكاتەی دڵنیا دەبنەوە لەوەی ئەو كەسە هەڵگری نەخۆشیەكە نییە".

وتیشی" ئەگەر لەماوەی دوو هەفتەدا دەركەوت ئەو كەسانە هەڵگری نیشانەكانی نەخۆشی كۆرۆنا نین رێگەیان پێدەدەن بچنەوە ناو كۆمەڵگە و كەسوكاریان".

ژمارەی توشبووان و گیانلەدەستدان بەهۆی‌ ڤایرۆسی كۆرۆناوە بەردەوام روو لە زیادبوونە و بەپێی نوێترین ئاماری‌ ئەمڕۆ دووشەممە ١٠ی‌ شوباتی‌ ٢٠٢٠، ژمارەی ئەو كەسانەی گیانیان لەدەستداوە بۆ ٩١٠ كەس و ژمارەی توشبووانیش بۆ زیاتر لە ٤٠ هەزار كەس بەرزبووەتەوە و هیچ نیشانەیەكی وەستان یاخود كەمبوونەوەی ئامارەكانیش نییە.
 



PM:03:17:10/02/2020






ئەستێرەکان

Spee Media