بەپەلە.. بەپەلە.. ئەم کار ئاسانیانە بۆ هاوڵاتیان دەکرێت

ژووری ئۆپراسیۆنی به‌ره‌نگاربوونه‌وه‌ی كۆرۆنای پارێزگای هه‌ولێر له‌ كۆنفرانسێكی میدیاییدا ژماره‌یه‌ك بڕیاری بۆ ئاسانكاری بۆ جووڵه‌ی هاووڵاتیان و بازاڕ ده‌ركرد.

بڕیاره‌كانی ژووری ئۆپراسیۆنەکانی بۆ كاتژمێر ٦ ی به‌یانی تا ٦ی ئێواره‌:

1- كردنه‌وه‌ی ماركێت و نانه‌واخانه‌ و سه‌مونخانه‌ و گۆشت فرۆش و سه‌وزه‌ و میوه‌فرۆش.

2- كردنه‌وه‌ی چێشتخانه‌ و شیرنه‌مه‌نی و چه‌ره‌زات به‌ دلیڤه‌ری و به‌ پێی مه‌رجه‌ ته‌ندروستییه‌كان له‌ ده‌ره‌وه‌ی سنووری شه‌قامی سی مه‌تری.

3- ئۆتۆمبێلی دابه‌شكردنی غازی ماڵان و ته‌نكه‌ری زێراب و ئاوه‌ڕۆی پیسی ماڵان.

4- ئۆتۆمبێلی گواستنه‌وه‌ی ماست و به‌روبوومه‌ شیرییه‌كان.

5- كردنه‌وه‌ی روونگۆڕ و په‌نچه‌رچی و شه‌ریكاتی ئۆتۆمبێل له‌ رۆژانی یه‌كشه‌م و سێشه‌م و پێنجشه‌م جگه‌ له‌ ناوچه‌ پیشه‌سازییه‌كانی باشوور و باكوور كه‌ بۆیان نییه‌ كراوه‌ بن.

6- كردنه‌وه‌ی كارگه‌كان و پڕۆژه‌كانی بازرگانی و وه‌برهێنان و بیناسازی به‌ مه‌رجی نه‌بوونی هیچ گردبوونه‌وه‌یه‌ك له‌ كاتی كاركردندا، هه‌روه‌ها كه‌لوپه‌لی بیناسازی له‌ ده‌ره‌وه‌ی شه‌قامی سه‌د مه‌تری.

7- سه‌رتاشخانه‌ی پیاوان به‌ مه‌رجێك چوار كه‌س زیاتر له‌ ژووره‌وه‌ نه‌بن به‌ سه‌رتاشه‌وه‌. شوێنی ئوتووكردنی جلوبه‌رگ له‌ ده‌ره‌وه‌ی شه‌قامی سی مه‌تری.

8- هه‌ڵگرانی مۆڵه‌تی فه‌رمی كشتوكاڵ..

9- ئۆتۆمبێلی تایبه‌ت به‌ گواستنه‌وه‌ی ده‌رمانی كۆگاكان بۆ ده‌رمانخانه‌كان.

10- ئۆتۆمبێلی گواستنه‌وه‌ی كه‌لوپه‌لی خۆراك و كه‌رسته‌ی پاككه‌ره‌وه‌ بۆ ماركێته‌كان.

11- كردنه‌وه‌ی نۆڕینگه‌كانی ڤێته‌رنه‌ری.

12- گۆشتگه‌ كراوه‌ ده‌بێت.

13- كۆمانیاكانی گه‌یاندنی دیلیڤه‌ری و پۆست.

14- كردنه‌وه‌ی نه‌مانگه‌كان.

15- كردنه‌وه‌ی مۆبیلیات و فه‌رشفرۆش به‌ مه‌رجێك به‌ ئۆنلاین بفرۆشرێت و گه‌یاندن و گواستنه‌وه‌شی له‌ لایه‌ن فرۆشیاران و كۆمپانیاكان ده‌بێت.

16- سه‌ربڕخانه‌ی مریشك له‌ 5 ئۆتۆمبێل زیاتر رێگه‌یان پێنادرێت. به‌ مه‌رجی پشتگیری به‌ڕێوبه‌رایه‌تی گشتی كشتوكاڵی هه‌ولێر و به‌ڕێوبه‌رایه‌تی ڤێته‌رنه‌ری پارێزگای هه‌ولێر.

بڕیاره‌كانی تایبه‌ت به‌ كاتژمێر 12ی شه‌و تا 8ی به‌یانی

1- ئۆتۆمبێلی گواستنه‌وه‌ی گازی مۆلیده‌كان و كردنه‌وه‌ی گۆڕه‌پانی گازفرۆشان.

2- پزیشك و كارمه‌ندانی ڤێته‌رنه‌ری و پڕۆژه‌كانی سامانی ئاژه‌ڵی و كشتوكاڵ و چوون بۆ باخداری و كاروباری كشتوكاڵی و هه‌نگداری.

3- خاوه‌نی مۆلیده‌ و كارپێكه‌ری مۆلیده‌كان.

4- گواستنه‌وه‌ی كه‌لوپه‌لی خۆراكی بریكاره‌كه‌كانی خۆراك.

هەولێر .. لە قەدەغەکردنی هاتوچۆدا ئەم کارئاسانیانە بۆ هاوڵاتیان دەکرێت

کوردپا: لە ٦ مانگدا ١٤٠٠ حاڵەتی پێشێلکاری مافی مرۆڤ تۆمار کراوە

پرۆژەی رووناکی: کارەبای بەشێکی پارێزگاکان کێشەی تێدایە و پچڕاوە

ژنێک دوای ٥ رۆژ لە سوتانی گیانی لە دەستدا

پاک: بە ٥ مووشەک هێرشمان کرایە سەر

فڕۆکەخانەی هەولێر: سەرجەم گەشتە ئاسمانییەکان راگیران

شەش درۆن لە ئاسمانی هەولێر تەقێندرانەوە

ئەستێرەکان

تەیلۆر سویفت و تراڤیس کێڵسی هاوسەرگیرییان کرد

تابلۆ عەدنان كەریم بۆ باوکی: شانازی دەکەم کە کچی تۆم

کیژان ئیبراهیم خەیات "ئەوین" بڵاودەکاتەوە

عەدنان کەریم نوێترین بەرهەمی بڵاوکردەوە

قادر ئینار هونەرمەندی ناسراوی سینەمای تورکیا کۆچی دوایی کرد