بە فەرمانی وەزیری دارایی دەروازەی سنوری کێلێ دەکرێتەوە

‌
وەزارەتی دارایی بە فەرمی بڕیاریدا دەروازەی سنوری کێلێ بە ڕووی جموجوڵە بازارگانیەکاندا بکاتەوە.

ساماڵ عەبدول ڕەحمان، بەڕێوەبەری بەڕێوەبەرایەتی گشتی گومرگ لە ڕاگەیەنراوێكدا، كە وێنەیەكی دەست (سپی) كەوتووە ڕایگەیاندووە" لەسەر فەرمانی وەزیری دارایی و ئابووری سبەینێ چوار شەممە ٢٩ی نیسانی ٢٠٢٠ دەروازەی کێلێ دەكرێتەوە".

هەروەها ئاماژە کراوە بەوەی پێویستە سەرجەم ڕێنماییە تەندروستییەکانی تایبەت بە خۆپارێزی لە پەتای کۆرۆنا بەیڕەو بکرێت.

ئەوەش لە کاتێکدایە حکومەتی هەرێمی کوردستان ماوەی زیاتر لە دوو مانگە بڕیاری داخستنی دەروازە سنوریە لاوەکیەکانیداوە و ماوەی چەند رۆژێکیشە بەشێوەیەکی لەسەرخۆ ئەو دەروازانە دەکرێنەوە. 

 



PM:02:23:28/04/2020






ئەستێرەکان

Spee Media