ژمێریاری هێزەکانی ٧٠ و ٨٠ خرانە سەر وەرزارەتی پێشمەرگە

‌
بەبڕیارێکی وەزارەتی پێشمەرگەی حکومەتی هەرێم، یەکەی ژمێریاری یەکەکانی ٧٠ و ٨٠ خرایە سەر وەزارەتی پێشمەرگە.


 به‌ واژووی شۆڕش ئیسماعیل، وه‌زیری پێشمه‌رگه‌ی حكومه‌تی هه‌رێمی كوردستان ‌لە بڕیارێکدا  کە نوسراوی ‌ژماره‌ ٧٩٥٩ له‌رۆژی ٢١ی ئه‌یلولی ٢٠٢٠ لەسەرە، ئاماژە بۆ رێكخستنه‌وه‌ی یه‌ك یه‌كه‌ی ژمێریاری هاوبه‌شی سه‌ربازی و هەردوو ژمێریاریه‌كانی یه‌كه‌ی ٧٠ و ٨٠ دەکات کە دەخرێنە ‌ سه‌ر وه‌زاره‌تی پێشمه‌رگه‌.


 
لە نووسراوەکەی وەزارەتی پێشمەرگە هاتووە "هاوتای هێزه‌ هاوبه‌شه‌كانی سه‌ربه ‌وه‌زاره‌ت، ته‌واوی مووچه‌و بودجه‌ی هه‌ردوو یه‌كه‌كانی (70 و 80) له‌رێگه‌ی به‌ڕێوه‌به‌رایه‌تی گشتیی ژمێركاری بودجه‌و به‌رنامه‌كان ( ژمێریاری سه‌ربازی) له‌ژێر ووردبینی فه‌رمانگه‌ی چاودێری دارایی سه‌ر به‌وه‌زاره‌تی پێشمه‌رگه‌ ده‌بێت. ئه‌مه‌ش ئاماژه‌ بۆ كراوه‌ له‌ مادده‌ی ‌ (3 ناو یاسای ژماره‌ 19 ی ساڵی 2007)ی وه‌زاره‌تی پێشمه‌رگه".
 


لە نوسراوەکەی وەزارەتی پێشمەرگەدا هاتووە، "به‌ جێبه‌جێكردنی بڕیارەکە  به‌پێی مادده‌ی (10) ی یاسای چاكسازی، فه‌رمانگه‌ی چاودێری دارایی به‌هاوبه‌شی له‌گه‌ڵ میلاكاتی به‌ڕێوه‌به‌رایه‌تی گشتی بودجه‌و ژمێركاری سه‌ر به‌وه‌زاره‌تی دارایی و ئابووری، له‌ژێر رۆشنایی فه‌رمانی‌ وه‌زیری پێشمه‌رگه‌ ووردبینی و پێداچوونه‌وه‌ به‌خزمه‌تی سه‌ربازی سه‌رجه‌م هێزه‌كانی سه‌ر به‌و یه‌كانه‌ ده‌كرێت، هه‌روه‌ك دۆسیه‌ی كه‌سی بۆ ته‌واوی هێزه‌كان به‌هه‌موو پێدوایستییه‌ یاساییه‌كانه‌وه دروستده‌كرێت".
 



PM:05:25:27/09/2020






ئەستێرەکان

Spee Media