ئەو سێ برایەی خووشکەکەیان لە گەرمیان خنکاند دەستگیرکران

‌
سی براو کەسێکی تر تۆمەتبارن بە خنکاندنی ئافرەتێکی ٢٦ ساڵە لەماڵی باوکیدا.


موقده‌می مافپه‌روه‌ر عه‌لی جه‌مال قدووری لێپرسراوی ڕاگه‌یاندنی پۆلیسی گه‌رمیان لە لێدوانێکی رۆژنامەواندیا رایگه‌یاند " دوای ئه‌وه‌ی ئێواره‌ی ڕۆژی هه‌ینی ڕابردوو له‌به‌رواری  ئاگاداركراینه‌وه‌ له‌بوونی ته‌رمێك له‌گه‌ڕه‌كی شاره‌وانی دووی قه‌زای كه‌لار، ده‌ست به‌جێ مه‌فره‌زه‌كانمان چوونه‌ شوێنی ناوبراو ده‌ركه‌وت ژنێك به‌ناوی (م - ا - م ) له‌دایكبووی ١٩٩٤ له‌ماڵه‌كه‌ی خۆیدا هه‌ڵواسراوه‌و گیانی له‌ده‌ستداوه"‌.


لێپرسراوی ڕاگه‌یاندنی پۆلیسی گه‌رمیان وتیشی: به‌ئاماده‌بوونی دادوه‌ری لێكۆڵینه‌وه‌ی كه‌لارو به‌ڕێوه‌به‌ری به‌شی پۆلیسی نه‌هێشتنی تاوانی گه‌رمیان لێكۆڵینه‌وه‌ له‌شوێنی ڕوداوه‌كه‌ كراوەو، ته‌رمی ناوبراو به‌مه‌به‌ستی پشكنین ڕه‌وانه‌ی پزیشكی دادوه‌ری قه‌زای كه‌لار كراو دوای كه‌متر له‌دوو سه‌عات مه‌فره‌زه‌كانمان له‌به‌شی پۆلیسی نه‌هێشتنی تاوانی گه‌رمیان توانیان چوار تۆمه‌تبار ده‌ستگیربكه‌ن كه‌ سێ كه‌سیان برای كوژراوه‌كه‌ن و دوای لێكۆڵینه‌وه‌ له‌گه‌ڵ تۆمه‌تباراندا دانیان نا به‌تاوانه‌كه‌دا كه‌به‌هۆی كێشه‌یه‌كی كۆمه‌ڵایه‌تیه‌وه‌ ئه‌وتاوانه‌یان ئه‌نجامداوه‌و له‌ئێستادا به‌بڕیاری دادوه‌رو به‌پێی ماده‌ی ٤٠٦ تۆمه‌تباران به‌ندكراون".
 



PM:08:35:22/11/2020






ئەستێرەکان

Spee Media