راوچی ئەفسەرێک بە پلەی رائید بریندار دەکات
وەزارەتی ناوخۆ:سەرپێچیکاران رووبەڕوی یاسا دەکرێنەوە

‌

ئەمڕۆ چوار شەممە لە چەمچەماڵ چەند راوچیەک تەقە لە پۆلیسی دارستان دەکەن و بەڕێوەبەری پۆلیسی سەنگاو کە پلەکەی رائیدە بریندار دەکەن،  
بریکاری وەزارەتی ناوخۆی حکومەتی هەرێمی کوردستان، رایگەیاند "سەرپێچیکاران روبەڕووی یاسا دەکەینەوە".  


  
چەتۆ ساڵح، بریکاری وەزارەتی ناوخۆی حکومەتی هەرێمی کوردستان ئەو ئەفسەرەی لەنەخۆشخانەی شار لە سلێمانی بەسەرکردەوە کە لەلایەن چەند ڕاوچییەکەوە تەقەی لێکراو، لە لێدوانێکی رۆژنامەوانیدا، وتی" بكەرانی كردەوەكە دوو جار یاسایان شكاندووە جارێكیان خەریكی كاری ناسایی بوونە لەهەمانكاتدا تەقەیان لە كارمەندان و ئەفسەرانی وەزارەتی ناوخۆ كردووە، بۆیە بەزوترین كات سەرپێچیكاران ڕوبەڕوی یاسا دەكەینەوە".  


ئەمڕۆ کاتژمێر ١١:٣٠مەفرەزەکەیەکی پۆلیسی دارستانی سەنگاو بەمەبەستی دەستگیرکردنی ژمارەیەک ڕەوچی لە ئەرکدابوون، لەوکاتەدا لەلایەن ڕاوچیەکانەوە تەقە لە پۆلیسی دارستان کراوە و بەهۆیەوە، ڕائید کارزان نورەدین بەڕێوەبەری بنکەی پۆلیسی دارستانی سەنگاو برینداربووە.


راوچییەکان کەسانی ناسراون و فەرمانی دەستگیرکردنیان بۆ دەرچووە.  
 



PM:05:35:06/01/2021






ئەستێرەکان

Spee Media