چوار پەرلەمانتاری کورد داوا دەکەن حکومەتی هەرێم لەم ماوەیەدا بێدەنگ بێت

‌
چوار پەرلەمانتاری کورد لە پەرلەمانی عێراق داوا دەکەن لە سەروبەندی گفتوگۆی پرۆژە یاسای بودجەی عێراق و هەوڵدان بۆ سەپاندنی پشکی هەرێم، داوا لە حکومەتی هەرێم دەکەن بێدەنگ بێت با زەرەر بۆ گفتوگۆکان دروست نەبێت.


ئەو چوار پەرلەمانتارە کوردە لە راگەیاندنێکدا بە ناونیشانی " سەرنجێکی پێویست" دەڵێن" ئێمە لە لیژنەی دارایی رۆژانە لە بەیانیەکی زوەوە تا شەوانێکی درەنگ لە کۆبونەوە بەردەوامین، زۆر برگە و مادەمان هەموارکردوە کە تیایدا بەرژەوەندیی و مافە دەستورییەکانی هەرێم و ناوچە جێناکۆکەکانمان جێکردۆتەوە و بەردەوامیش لەگەڵ سەرۆکی کۆمار، کوتلە کوردستانیەکان و وەفدی هەرێم لەسەر خەتین بۆ ئەوەی موازەنە بە پشک و مافی هەرێمەوە تێپەرێت".


هەروەها دەشڵێن " نامانەوێ لە ئێستاوە دژایەتی و حەساسییەت بۆ هیچ برگەیەک دروست بکەین و لە ئیعلامەوە کوتلەکانیی تر بیبیستن و بکەونە دژایەتی، چونکە چەندین کوتلە و پەرلەمانتار هەن بە ئاشکرا نایانەوێ موازەنە تێپەربێت، لێرەوە جێگەی سەرنجە کە هەن ئاگادارییەکی ئەوتۆیان سەبارەت بە گفتوگۆکان نیە کەچی لەسەر وردەکاری ئەوتۆ لێدوان ئەدەن کە کێشە بۆ گفتۆگۆکانیی ئێمە دروست دەکا".


ئەو چوار پەرلەمانتارە بە راشکاوی دەڵێن " بەشێکی تایبەتی ئەو سەرنجەمان پەیوەستە بە لێدوان و راگەیاندراوەکانیی حکومەتی هەرێم کە پێویستە لانیکەم تا پەسەندکرنی موازەنە دوربکەونەوە لە لێدوانیی نەگونجاو و ناشایستە کە ببێتە گرفت بۆ ئێمە".


ئەو پەرلەمانتارەی ئەو راگەیاندنەیان بڵاوکردۆتەوە هەریەک لە هۆشیار عەبدوڵا، ئەحمەد حاجی ڕەشید، جەمال کۆچەر، شیروان میرزان. 
 



PM:10:56:03/02/2021






ئەستێرەکان

Spee Media