ئه‌ندامی ئه‌نجومه‌نی نوێنه‌رانی عێراق سەر بە ئیئتیلافی ده‌وڵه‌تی یاسا رایگه‌یاند، پێویسته‌ رووكاری عێراق عه‌ره‌بی بێت و بۆ ئه‌وه‌ش ده‌بێت سه‌رۆك كۆمار و وه‌زیری ده‌ره‌وه‌ بۆ عه‌ره‌ب بن.

حه‌نان فه‌تلاوی، پەرلەمانتاری لیستی دەوڵەتی یاسا، بە كه‌ناڵی سۆمه‌رییەی راگەیاند: "ئێستا كاتی ئه‌وه‌ هاتووه‌ سیمای عێراق عه‌ره‌بی بێت".

وتیشی: "داوا له‌ هه‌موو ئه‌و لایه‌نانه‌ ده‌كه‌م، كه‌ له‌ حكومه‌تی بنكه‌ فراوانی نیشتیمانی به‌شدار ده‌بن، جه‌خت له‌سه‌ر ئه‌وه‌ بكه‌نه‌وه‌، سه‌رۆك كۆمار و وه‌زیری ده‌ره‌وه‌ عه‌ره‌ب بن، یان لانیكه‌م یه‌كێكیان عه‌ره‌ب بێت".

هه‌روه‌ها وتی: "ماوه‌ی چه‌ند ساڵێكه‌ ئه‌و دوو پۆسته‌ پشكی برایانی كورد بووه‌، به‌ جۆرێك وایلێهاتووه‌ رووكاری عێراق ببێته‌ كوردی".