موقتەدا سەدر لەبارەی
هێرشی توركیا بۆ سەر عێراق لە تۆڕی
کۆمەڵایەتی تویتەر پەیامێكی بڵاوكردەوە و دەڵێت، "قبوڵی ناكەین دەستدرێژی بكرێتەسەر
ئاسایش و سەقامگیری عێراق".
لەتویتێكدا موقتەدا سەدر،
رێبەری رەوتی سەدر پەیامێکی بڵاو کردەوە و
نوسیویەتی، "توركیای دراوسێ بەناحەق و بێ پاساو خاكی عێراقی تۆپباران كردووە،
دەبێت لەگەڵ حكومەتی عێراق هەماهەنگی رێكبخرێت بۆ كۆتایی هێنان بەو هەڕەشەیە،
دەشڵێت ئەگەر ئەم كارەی توركیا دووبارە بكرێتەوە بێدەنگ نابین، قبوڵی ناكەین دەستدرێژی
بكرێتەسەر ئاسایش و سەقامگیری عێراق، هەروەك چۆن قبوڵیشی ناكەین لە خاكی عێراقەوە
دەستدرێژی بكرێتە سەر هیچ وڵاتێكی دراوسێی و دۆست.
سەدرباسی لەوەشکرد، پەیوەندی هاوبەش و هاوسەنگمان لەگەڵ سەرجەم وڵاتانی
دراوسێ بەهێز دەكەین، مامەڵەشمان لەڕوی دیپلۆماسی و ئەمنییەوە هاوشێوە لەگەڵ وڵاتان
دەبێت.