بڕیارە ئەمڕۆ وەزارەتی نەوتی عێراق و شاندی وەزارەتی سامانە سروشتییەكانی هەرێم كۆببنەوە بۆ گفتووگۆكردن لەبارەی ئامادەكردنی رەشنووسی پڕۆژەیاسای نەوت و غازی فیدڕاڵی.
محەمەد شیاع سودانی، سەرۆك وەزیرانی عێراق ئێوارەی رۆژی سێشەممە لە كۆنفڕانسێكی رۆژنامەنووسیدا لەشاری بەغدا رایگەیاند "رۆژی چوارشەممە وەزارەتی نەوتی عێراق و شاندی وەزارەتی سامانە سروشتییەكانی هەرێم كۆدەبنەوە بۆ گفتووگۆكردن لەبارەی ئامادەكردنی رەشنووسی پڕۆژەیاسای نەوت و غازی فیدڕاڵی".
ناوبراو روونیكردەوە، كۆبوونەوەكە بە ئامادەبوونی نوێنەری هێزە سیاسییەكان و شارەزایانی وەزارەتی نەوتی حكومەتی ناوەندیی دەكرێت.
هەروەها وتی "كۆبونەوەكە بۆ تاوتوێ كردن و ئامادەكردنی رەشنووسی پڕۆژەیاسای نەوت و غازی فیدڕاڵییە".