وەزارەتی نەوتی عێراق ڕایدەگەیەنێت'' داوایان لە وەزارەتی سامانە سرووشتییەکانی هەرێمی کوردستان و کۆمپانیاکانی نەوت کردووە، بە زووترین کات لە بەغدا کۆبوونەوەیەک بۆ دەستپێکردنەوەی هەناردەکردنی نەوت بکەن''.
وەزارەتی نەوتی عێراق لە ڕاگەیەنراوێكدا ئاماژەی بەوەكردووە، دەیانەوێت لەگەڵ وەزارەتی سامانە سرووشتییەکان و کۆمپانیاکانی بەرهەمێنەری نەوت، کە لە هەرێمی کوردستان کار دەکەن، بگەنە ڕێککەوتن بۆ دەستپێکردنەوەی هەناردەکردنی نەوت لە رێگەی بەندەری جەیهانەوە.
ڕاشیگەیاندووە، مەبەستمان لە كۆبوونەوەكە گفتوگۆ كردنە بۆ گەیشتن بە ڕێككەوتن و دەستپێكردنەوەی بەرهەمهێنان و هەرناردەكردنەوەی نەوتی هەرێم.
ئاماژەی بەوەشكردووە، پەرۆشی دەستپێكردنەوەی هەناردەی نەوتی هەرێمی كوردستانین تاوەكو بەگوێرەی ئەو بڕەی لە بوجەدا دیاری كراوە نەوتی هەرێم هەناردە بكەین.