ئەنجوومەنی وەزیرانی عێراق كۆبووەوە و بڕیاری زیادكردنی مووچەی خانەنشینی كرێكارانی بیمەكراو دەردەكات.
ئەمیندارێتی گشتی ئەنجوومەنی وەزیرانی عێراق لە بەیاننامەیەكدا ڕایگەیاند، ئەمڕۆ ئەنجوومەنی وەزیرانی فیدڕاڵ بەسەرۆكایەتی محەمەد شیاع سودانی، سەرۆك وەزیران كۆبۆتەوە و بڕیاریدا بە زیادكردنی مووچەی خانەنشینی كرێكارانی بیمەكراو بەبڕێك لە ١٥٠ هەزار دینار زیاتر نەبێت.
ڕاشیگەیاندووە، زیادكردنەكە بەپێی هاوکێشەیەکی ڕێکخراوەیی دەبێت بۆ ئەو کەسانەی مووچەی خانەنشینییان لە (٧٠٠) هەزار دینار زیاتر نییە.
ئاشكراشی كردووە، زیادكردنی مووچەكە، خانەنشینی (خزمەت و پەككەوتەیی) دەگرێتەوە.