یه‌یه‌که‌م قسه‌کردنیدا له‌سه‌ر برینداربوونی به‌غدادی، وه‌زیری به‌رگری عێراق رایگه‌یاند" له‌و گورزه ئاسمانیه‌ی رۆژی هه‌ینی فرۆکه‌کانی هاوپه‌یمانان کردیانه سه‌ر کۆبوونه‌وه‌یه‌کی سه‌رکرده‌کانی داعش له‌موسڵ، ئه‌بو به‌کری به‌غدادی برینداره‌و جێگره‌که‌ی کوژراوه".
وه‌زیری به‌رگری عێراق خالید عوبه‌یدی له تۆڕی کۆۆمه‌ڵایه‌تی فه‌یس بووک رایگه‌یاند " ئه‌بو به‌کری به‌غدادی برینداره‌و جێگره‌که‌ی ئه‌بو موسلیم تورکمانی کوژراوه".
وه‌زیری به‌رگری که هه‌مووی نزیکه‌ی مانگێکه ئه‌و پۆسته‌ی وه‌رگرتووه، ئه‌م قسانه‌ی گرنگی خۆی هه‌یه.
له‌لایه‌کی تره‌وه به‌رپرسی نوسینگه‌ی راگه‌یاندنی سه‌رۆک وه‌زیرانی عێراق، سه‌عد حه‌دیسی به سی ئێن ئێنی ئه‌مه‌ریکی راگه‌یاندووه که ئه‌وان دڵنیانین له‌و هه‌واڵه‌و چاوه‌ڕوانی زانیاری هێزه هاوپه‌یمانه‌کانن له‌سه‌ر راستی و دروستی برینداربوونی به‌غدادی.