ئەمڕۆ پێنج شەممە لیژنەی باڵای عێراق و میسر سێیەم دانیشتنی خۆی لە بەغداد ئەنجامدا کە کۆبوونەوەکە بە سەرۆکایەتی شاندەکانی هەردوو وڵات، محەمەد شیاع سودانی سەرۆک وەزیرانی عێراق و مستەفا مەدبولی هاوتا میسرییەکەی بەڕێوەچوو تێیدا ١٢ یاداشتی لێکتێگەیشتن لە نێوان هەردوولا واژوو کرا.
لە دیدارەکەدا شایەتحاڵی کۆنفڕانسێک بوو لەلایەن وەزیری بازرگانی، عەتیر داود غەریری، و وەزیری پلاندانان و گەشەپێدانی ئابووری و هاوکاری نێودەوڵەتی میسر، ڕانیا مەشات، سەبارەت بە لایەنە گشتییەکانی هاوکاری نێوان هەردوو وڵات لە ئاستە جیاجیاکاندا.
لە کۆتایی کۆبوونەوەکەدا، کۆنووسی کۆبوونەوەی لیژنەی باڵای عێراق و میسر واژوو کرا، هەروەها ئەو یاداشتە لێکتێگەیشتنە دوولایەنانەی کە لە خوارەوە ئاماژەیان پێکراوە واژوو کرا:
١. یاداشتنامەی لێکتێگەیشتن بۆ گواستنەوەی وشکانی کەس و کەلوپەل لە نێوان وەزارەتەکانی گواستنەوە لە عێراق و میسر.
٢. یاداشتنامەی لێکتێگەیشتن لە بواری بەرەوپێشبردنی کێبڕکێ و بەرەنگاربوونەوەی پراکتیزە قۆرخکارییەکانی نێوان کاروباری کێبڕکێ و ئەنجوومەنی دژە قۆرخکاری لە عێراق و دەسەڵاتی پاراستنی کێبڕکێ و دژە قۆرخکاری لە میسر.
٣. پرۆتۆکۆڵی پێشنیارکراوی هاوکاری نێوان عێراق و میسر لە بواری گەشەپێدانی ناوخۆیی.
٤. یاداشتى لێکتێگه یشتنى نێوان شاره وانى به غدا و پارێزگاى قاهیره .
٥. یاداشتنامەی لێکتێگەیشتن لە بواری دێرین و مۆزەخانەکان لە نێوان دەسەڵاتی گشتی بۆ دێرین و میرات لە وەزارەتی ڕۆشنبیری و ئەنجوومەنی باڵای دێرینەکانی میسر.
٦. یاداشتنامەی لێکتێگەیشتن لە بواری ستانداردکردن و کۆنتڕۆڵی جۆری لە نێوان ڕێکخراوی ناوەندی بۆ ستانداردکردن و کۆنتڕۆڵی جۆری لە عێراق و ڕێکخراوی گشتی بۆ ستانداردکردن و کوالیتی لە میسر.
٧. یاداشتنامەی لێکتێگەیشتن بۆ هاوکاری لە بواری ڕێکخستنەوەی کۆنتڕۆڵ و سەرپەرشتیکردنی بازاڕە داراییەکان (کۆنتڕۆڵی دارایی) لە نێوان کۆمیسیۆنی پارەپاسەوانەکان لە عێراق و دەسەڵاتی گشتی چاودێری دارایی لە میسر.
٨. بەرنامەی جێبەجێکردن لە نێوان وەزارەتەکانی ڕۆشنبیری لە عێراق و میسر (٢٠٢٥ - ٢٠٢٧).
٩. یاداشتی لێکتێگەیشتن لە نێوان کتێبخانە و ئەرشیفی نیشتمانی عێراق و کتێبخانەی نیشتمانی میسر.
١٠. یاداشتنامەی لێکتێگەیشتن بۆ هاریکاری لەبواری پەیوەندی و تەکنەلۆجیای زانیاری، لە نێوان کۆمیسیۆنی پەیوەندی و ڕاگەیاندنی عێراق و دەسەڵاتی ڕێکخستنی پەیوەندییە نیشتمانییەکانی میسر.
١١. ڕەشنووسی یاداشتنامەی لێکتێگەیشتن لەبواری دروستکردن و کارپێکردن و چاککردنەوەی سایلۆکانی نێوان کۆمپانیای گشتی عێراقی بۆ بازرگانی دانەوێڵە و کۆمپانیای هەڵگرتنی میسری بۆ سایلۆکان.
١٢. یاداشتی لێکتێگەیشتن و هاوکاری نێوان فیدراسیۆنی ژوورە بازرگانییەکانی عێراق و فیدراسیۆنی گشتی ژوورە بازرگانییەکانی میسر.