هێزە ئەمنییەکانی عێراق لە ناوچەی سەوزی بەغدا و لە هەڵمەتێکدا ژمارەیەک بەرپرس و پەرلەمانتاریان دەستگیر کرد.

بەرەبەیانی ئەمڕۆ یەکشەممە، هێزەکانی دژە تیرۆری عێراق هەڵمەتێکی ئەمنییان بۆ دەستگیرکردنی ژمارەیەک کەسایەتی ئەنجام دا کە لە تۆمەتی گەندەڵی دارایی و کارگێڕییەوە تێوەگلاون.

چەند سەرچاوەیەکی عێراقی بڵاویان کردەوە هەشت کەس کە بەرپرس و پەرلەمانتار و بازرگانن لە هەڵمەتەکەدا دەستگیرکراون.

بە پێی زانیارییەکان، ئەوانەی دەستگیرکراون پێکهاتوون لە: عالیە نوسەییف، موسەنا سامەڕائی، محەمەد کەربولی، محەمەد سەیهود، ئیبراهیم سومەیدەعی، حەسەن خەفاجی، سەیفەدین سەباح، موزهیر کەڕوی، محەمەد فەرمان، بەهائـ نوری و عەلائـ سوککەر.

بە پێی زانیارییەکان لەناو گیراوەکاندا باس لەمحەمەد شیاع سوودانی و تەیف سامی و ژمارەیەک راوێژکاری پێشووی سودانی دەکرێت.

لە ئێستا بارودۆخەکە ئاسایی بووەتەوە و تەواوی دەرگاکان کراوەتەوە، چونکە بەرپرسێکی زۆری ئەمنی و سەربازی و حکوومی دەوامیان لە ناوچەی سەوزە.