سیستانی بەشێک نییە لە رێکەوتنی مانەوەی عەبدولەمەهدی‌و کۆتایی هێنان بە خۆپیشاندانەکان

‌
مه‌رجه‌عی‌ باڵای‌ شیعه‌كانی‌ عیراق، عەلی سیستانی رایگه‌یاند "‌ به‌شێك نین له‌ رێكه‌وتنی‌ لایه‌نه‌كان بۆ مانه‌وه‌ی‌ سه‌رۆك وه‌زیرانی‌ عیراق له‌ پۆسته‌كه‌ی‌ و كۆتاییهێنان به‌ خۆپیشاندانه‌كان".


لە روونکردنەوەیەکدا، سه‌رچاوه‌یه‌كی‌ به‌رپرس له‌ نووسینگه‌ی‌ عه‌لی‌ سیستانی‌ مه‌رجه‌عی‌ باڵای‌ شیعه‌كانی‌ عیراق دەڵێت " سه‌رچاوه‌كه‌ ره‌تیكرده‌وه‌ كه‌ مه‌رجه‌عی‌ باڵای‌ شیعه‌كانی‌ عیراق به‌شێك بێت له‌و رێككه‌وتنه‌وه‌ی‌ بۆ مانه‌وه‌ی‌ حكومه‌تی‌ ئێستا و كۆتاییهێنان به‌ خۆپیشاندانه‌كان كراوه"‌.


لەو روونکردنەوەیەدا جه‌ختی‌ له‌وەكراوەتەوە ‌ "هه‌ڵوێستی‌ مه‌رجه‌عیه‌تی‌ ئاینی‌ به‌رامبه‌ر ناڕه‌زایه‌تییه‌ جه‌ماوه‌رییه‌كان و مامه‌ڵه‌كردنی‌ و به‌ده‌مه‌وه‌چوونی‌ داواكاری‌ خۆپیشانده‌ران ئه‌وه‌یه‌ كه‌ له‌ وتاری‌ هه‌ینی‌ به‌ روونی‌ رایگه‌یاندووه‌ و به‌ هه‌موو ئه‌وانه‌شی‌ ووتووه‌ كه‌ له‌وباره‌وه‌ په‌یوه‌ندییان پێوه‌كردووه‌".


سه‌رچاوه‌كه‌ ده‌ڵێت: "هه‌ر شتێك پێچه‌وانه‌ی‌ ئه‌وه‌ بێت مه‌به‌ستی‌ سیاسی‌ هه‌ندێك لایه‌نی‌ له‌پشته‌ و دووره‌ له‌ راستییه‌وه‌".


سه‌باره‌ت به‌ هه‌ڵگرتنی‌ وێنه‌ی‌ سیستانی‌ له‌لایه‌ن به‌شێك له‌ هێزه‌ ئه‌منییه‌كانه‌وه‌ و به‌رزكردنه‌وه‌ له‌ شوێنه‌ گشتییه‌كاندا، سه‌رچاوه‌كه‌ رایگه‌یاند كه‌ سیتانی‌ به‌و كاره‌ رازی‌ نییه‌ و زیاد له‌ جارێك ئه‌وه‌ روونكراوه‌ته‌وه‌ بۆیه‌ تكایه‌ ده‌ستبه‌رداری‌ ئه‌و كاره‌ بن.


ئاژانسی‌ فرانس پرێس بڵاویکردەوە  قاسم سوله‌یمانی‌ فه‌رمانده‌ی‌ فه‌یله‌قی‌ قودسی‌ سوپای‌ پاسداران له‌گه‌ڵ‌ موقته‌دا سه‌در رێبه‌ری‌ ره‌وتی‌ سه‌در و محه‌مه‌د ره‌زا سیستانی‌ كوڕی‌ عه‌لی‌ سیستانی‌ مه‌رجه‌عی‌ باڵای‌ شیعه‌كان، هێزه‌ سیاسییەکانی کوتله‌ی (سائیرون و حكمه‌)، رێككه‌وتن له‌سه‌ر مانه‌وه‌ی‌ عادل عه‌بدولمه‌هدی‌ و كۆتاییهێنان به‌ خۆپیشاندانه‌كان.
 



PM:08:45:09/11/2019






ئەستێرەکان

Spee Media