بۆ بڕیاردان لەسەر داوای نوری مالیكی سەرۆك وەزیرانی عێراق سەبارەت بە راگەیاندنی باری نائاسایی لە عێراق، پێنجشەممەی داهاتوو ئەنجومەنی نوێنەرانی عێراق كۆدەبێتەوە.

لەمبارەیەوە سەباح باوی، بەڕێوەبەری گشتی فەرمانگەی یاسایی پەرلەمانی عێراق و وتەبێژی پەرلەمان بە رووداوی راگەیاند: "دەستەی سەرۆکایەتی پەرلەمان بڕیاریدا پێنجشەممەی داهاتوو دانیشتنێکی نائاسایی پەرلەمان گرێ بدات تایبەت بە راگەیاندنی باری نائاسایی لە عێراق لەسەر داوای سەرۆکایەتی کۆمار و ئەنجوومەنی وەزیرانی عێراق".

سەباح باوی وتیشی "تا ئێستا داواکاری فەرمی سەرۆکایەتی کۆمارو ئەنجوومەنی وەزیران بۆ راگەیاندنی باری نائاسایی نەگەیشتووەتە پەرلەمان، بەڵام بەهۆی هەستیاری دۆخەکەوە پەرلەمان بڕیاریدا پێنجشەممە کۆببێتەوە".