دکتۆر ئارام تۆفیق، مامۆستای زانکۆ، لە چاوپێکەوتنێکی تایبەتی سپی میدیا زانیاری گرنگ سەبارەت بە چەند پرسێکی پەیوەست بە هەراسانکردنی خوێندکار لە زانکۆ لەلایەن مامۆستاوە و شوێنە گشتیەکان کە هەستی نائارامی بۆ ژنان دروست دەکەن دەخاتە ڕوو، لە هەمان کاتدا باس لە کاریگەریەکانی کەیسی د. عەبدولەتیف ئەحمەد ناسراو بە (عەبدولەتیف سەلەفی) دەکات، کە بەهۆی "هەراسانکردن و دانانی پەیوەندی لەگەڵ خوێندکارەکانی لە بەشی شەریعەی زانکۆی سلێمانی" لە کارەکەی بۆ هەتا هەتایە دوور خرایەوە.
گرنگترین قسەکانی دکتۆر ئارام تۆفیق:
-پەیوەندیەکە کە هێز رۆڵ دەبینێت، ئیتر هێزەکە، ئەکادیمیە، ئابوریە، سیاسیە یاخود یاساییە.
-سود لە هێز وەردەگیرێت بۆ هەراسانکردن و دەستدرێژی سێکسی.
- بنەمای ئەمجۆرە توندوتیژیانە دەگەڕێتەوە بۆ نەریتی پیاوسالاری.
- پەیوەندی مامۆستا و خوێندکار و لە ناو زانکۆکاندا روودەدات وەک هەرجێگایەک کە گروپە کۆمەڵایەتییەکانی تێدایە، بەڵام ئاسایی نییە.
- دەرکەوتنی کەیسێکی لەم شێوەیە ( د. عەبدولەتیف ئەحمەد) لە زانکۆ و دەنگدانەوەی زۆری پەیوەستە بەو بانگەشانەی ئەمجۆرە کەسانە دەیکەن و خۆیان پێچەوانەکەی دەکەن.
-پشتگیری کۆمەڵایەتی بۆ ئەم کەسانە زۆر کێشەیە، کە لە دوای شەڕی داعشەوە شەپۆلی مەدەنی پاشەکشەی کردوە و دەنگی سەربازی وئاینی زیادی کردوە.
-دەبێت بازنەی کۆمەڵگەی مەدەنی بەهێز بکرێت بۆ روبەڕوبوونەوەی هەر جۆرە هەرانسکردن و دەستدرێژیەکی سێکسی.
-کاتێک باڵانسی هێزنییە لە نێوان دەسترێژیکار و قوربانی نییە، ئەوا بەردەوام قوربانی لۆمە دەکرێت، بۆیە دەبێت چاوەکان لەسەر دەستدرێژیکاربن.
-هەبوونی رای گشتی بۆ ئەم جۆرە کەیسانە گرنگن، چونکە کەیسی کۆمەڵگەین.
-هۆشیاری بەرامبەر ئەمجۆرە کەیسانە زۆر گرنگە.
-ئەگەر بەجدی کار لەسەر ئەم بوارانە نەکرێت ئەوا کەس پارێزراو نابێت.
- میکانیزمەکانی مانەوە لە ماڵەوە و خۆ داپۆشین و تێکەڵ نەبوون ڕێگر نین لە چارەسەرکردنی ئەم کردانە.
-لەم کەیسەدا چەندە دژایەتی کرا، ئەوەندەش پشگیری و هەوڵی داپۆشینی هەیە.
-هەڵوێستی زانکۆی سلێمانی لەم کەیسەدا گرنگ بوو، چونکە رێگری لە دووبارە بوونەوەی دەکات.
- دەبێت ژنان لە هەموو جێگەیەک و شوێنە گشتیەکان پارێزراوبن.
- پێویستمان بە کۆدەکانی ئاکار هەیە، کە دەبێت لە هەموو دامەزراوەیەکدا هەبێت، بۆ بەرەنگاربوونەوەی توندوتیژی.
-خولی وشیاری بەردەوام بۆ خوێندکار و مامۆستایانی زانکۆ بکرێتەوە.
-دەبێت لە دامەزراوەکان و زانکۆکاندا لە بەشی یاسایدا شوێنی شکاتی بە نهێنی هەبێت و لە رێگای سیستمەوە رێکبخرێت.
-دەبێت زانکۆکان لەگەڵ رێکخراوەکان کار بکەن بۆ هۆشیارکردنەوە لە ناو زانکۆکان و رێبەری هۆشیاری بەرامبەر توندوتیژی هەبێت.
- دەبێت ژنان خەمی ئەوەیان نەبێت لە شوێنی کارەکان و خوێندندا روبەرووی توندوتیژی دەبنەوە بەڵکو خەمی ئەوەیان بێت چۆن سەرکەوتووبن وخزمەت بکە.
بۆ بینینی تەواوی چاوپێکەوتنەکە، کلیک لەم لینکە بکە: