هەڵۆ شێرکۆ بێکەس کوڕی شاعیری کۆچکردوو، لە لێدوانێکدا ڕایگەیاندووە" لە چەند ڕۆژی داهاتوودا مۆزەخانەی شێرکۆ بێکەس دەکرێتەوە کە لە ئێستادا ئامادەکارییەکان دەستیانپێکردووە و کارەکانی لە کۆتاییدایە". 

شێرکۆ بێکەس کوڕی شاعیری ناوداری کورد فایەق بێکەسە و لە ٢ی ئایاری ساڵی ١٩٤٠ لە شاری سلێمانی لەدایکبووە.

لە ساڵی ١٩٨٦ وڵاتی عێراقی بە جێھێشت لە ساڵەکانی ١٩٨٧ بۆ ١٩٩٢ لە و سوید ژیاوە و پاشان گەڕاوەتەوە بۆ کوردستان.

شێرکۆ بێکەس بە یەکێک لە شاعیرە نوێخوازەکانی ھاوچەرخی کورد دادەنرێت و خاوەنی چەندین نامیلکە و دیوانی شیعرییە و زۆرێک لە شیعرەکانی بۆ چەندین زمانی زیندووی جیھانی وەرگێڕدراون.

ساڵی ١٩٨٧ لە سوید خەڵاتی تۆخۆڵسکی وەرگرت، خەڵاتەکەی لەلایەن سەرۆک وەزیرانی ئەو دەمی سوید ئیگڤار کالرسۆنەوە پێشکەشکرا.

لە ساڵی ١٩٩٢ دەبێتە وەزیری ڕۆشنبیری حکومەتی ھەرێمی کوردستان ئەمەش لە یەکەم کابینەی حکومەتی ھەرێمی کوردستان بوو.

لە ساڵی ١٩٩٨ بە یارمەتی ژمارەیەک کەس و ھاوڕێکانی دەزگای چاپ و پەخشی سەردەمی دامەزراند.

لە ساڵی ٢٠٠٩ تەواوی بەرھەمەکانی لە ھەشت ھەزار پەڕە لە چاپدا.

لە ڕۆژی ٤ی ئابی ٢٠١٣ شێرکۆ بێکەس لە ستۆکھۆڵمی پایتەخی سوید، بەھۆی نەخۆشی شێرپەنجەوە کۆچی دوایی کرد.

دواتر لەسەر داوای خۆی هێنرایەوە بۆ باشووری کوردستان و لە پارکی ئازادی شاری سلێمانی و لە تەنیشت مۆنیۆمێنتی شەهیدانی ٩ی حوزەیرانەوە ئەسپەردەی خاک کرا.