خانمە هونەرمەندی ناسراوی كورد ئاهەنگ بۆ زیادبونی هەوادارانی دەگێڕێت.
هێڵی لەڤ لەڕێی پەیجە تایبەتەكەیەوە لە تۆڕی كۆمەڵایەتی فەیس بووك وێنەیەكی نوێی بڵاوكردۆتەوە كە دوو میزەڵانی بەدەستەوە یەكیان ژمارە دووە و ئەو دیكەشیان پیتی (M) بە زمانی ئینگلیزی.
ئەو وێنەیەی لەڤ وەك هێمایەكە بۆ زیادبونی لایكەكانی بۆ زیاتر لە دوو ملیۆن، ئەمەش دڵخۆشییەكی زۆری بۆ ئەو خانمە هونەرمەندە دروست كردووە و سوپاسی هەوادارانی كردووە و خۆشەویستی خۆی بۆیان دووپات كردۆتەوە.
هێڵی لەڤ یەكێكە لەو خانمە هونەرمەندانەی توانیوێتی لەسەر ئاستی جیهان بەهۆی كارەكانییەوە ناوبانگێكی باش بۆ خۆی پەیدا بكات و زۆرێك لە میدیا جیهانییەكانیش گرنگی بە كارەكانی بدەن.