سپی - سلێمانی

ئه‌ستێره‌ كه‌ریم پێشکەشکاری پێشووی کوردستان تی ڤی كه‌ یه‌كێكه‌ لە کچە چالاکوانەکانی تۆڕی کۆمەڵایەتی فەیسبووک وێنەیەکی "ڕووتی" خۆی بڵاوکردەوە.

ئەستێرە کە ڕۆژانە بە لایڤ ڕەخنە لە دیاردە کۆمەڵایەتیی و سیاسییەکانی هەرێمی کوردستان دەگرێت لە پێگەی تایبەتی خۆی لە تۆڕی کۆمەڵایەتی فەیسبووک وێنەیەکی بڵاوکردوە و نوسیویەتی "پەیامێک بۆ پیاوانی سێ پەڵە ڕەشەکەی کورد، سیاسی و دینی و پیاوسالاری"

ئه‌ستێره‌ كه‌ریم نوسیویه‌تی‌ "ئەگەر ژن وەک گۆشت سەیر بکرێت و ژن دەست درێژی بکرێتە سەر و ژن بچەوسێنرێتەوە و ژن خەتەنە بکرێت و ژن سەرکووت بکرێت،، ڕۆشنبیریەتی چی و بوون بە دەوڵەتی چی و ڕێکخراوی بێ کرداری ژنانی چی و سیاسەتی چی و شەرعی چی و بەھەشت و جەھھەنەمی چی؟؟؟".

ئەمەش لە کاتێکدا دێت کە ئەستێرە کە ئێستا لە وڵاتی سوید دەژی پێشتر باسی لەوە کردبوو کە ئەو پارچە گۆشتە دەربکەوێت یان نا هیچ مانایەکی بۆ ئەو نییە و بڵاوکردنەوەی ئەم وێنەیەش کاردانەوەی لە تۆڕە کۆمەڵایەتییەکان بەدوای خۆیدا هێنا.