هونەرمەند موحسین لوڕستانی بڕیاری لە سێدارەدانی بۆ دەرچوو

‌



دژی خودا حکومەتی ئێران سزای لەسێدارەدانی بۆ گۆرانیبێژی رۆژهەڵاتی کوردستان (محسن لوڕستانی) دەرکرد. 

حەوت مانگ پێش ئێستا بەتۆمەتی ئەخلاقی (فەساد فی الارض) دەستگیرکرا، بەڵام تۆمەتەکەی بەسەردا ساخ نەبۆتەوە، وەک پارێزەرەکەشی کازم حوسێنی ڕایگەیاندووە: هیچ کەسێک سکاڵای لەسەر تۆمار نەکردووە. 

لەگەڵ ئەوەشدا هەندێک لەسەرچاوەش باس لەوە دەکەن، تەنیا بە تاوانی بڵاوکردنەوەی هەندێک وێنە و گۆرانی لە تۆڕی کۆمەڵایەتی ئینستاگرام دەستگیرکراوە و بڕیاری لەسێدارەدانی بەسەردا سەپێنراوە. 

موحسین لوڕستانی خەڵکی شاری کرماشانی کوردستانە، بەھۆی گۆرانییەکانییەوە ناوبانگێکی زۆری پەیداکردووە لەتەواوی کوردستانی گەورەدا. 
خاوەن چەن ئەلبومێکی گۆرانییە، لەساڵی ٢٠١١ لەیەکێک لەگۆرانییەکانیدا بەناوی ( ئەسیری میلەی زیندانم ) ئاماژەی بەگرتن و لەسێدارەدانی کردووە و بەدایکی دەڵێت: لەناو بەندیخانەدا دیل کراوم، نازانم بۆ دەبێت عاشقی تاوان بێت، دایە گیان ئەمە دواین دیدارمانە و پەتی سێدارە چاوەڕێم دەکات. 
 



PM:02:40:08/10/2019






ئەستێرەکان

Spee Media