له‌ شاری ره‌فسه‌نجان ئێران یارمەتی دارایی بۆ چه‌كدارانی داعش كۆده‌كرێته‌وه‌.

بەپێی هەواڵێكی هەواڵنێری "ئیسنا"ی ئێرانی، ئه‌مرۆ یه‌كشه‌ممه‌  نوێنه‌ری  شاری رەفسەنجان  له‌ په‌رله‌مانی ئێران ئه‌و هه‌واڵه‌ی پشتراست كرده‌وه‌ و له‌ كۆبوونه‌وه‌ی ئه‌مرۆی په‌رله‌مانی ئێراندا له‌وباره‌یه‌وه‌ وتارێكی پێشكه‌ش كرد.

بەپێی هەواڵەكە حسێن ئازین نوێنه‌ری شاری ره‌فسه‌نجان له‌ په‌رله‌مان له‌ به‌شێك له‌ وتاره‌كه‌یدا رایگه‌یاند: ژماره‌یه‌كی زۆر هاوڵاتی ئه‌فغانی له‌ شاری ره‌فسه‌نجان نیشته‌جێن و خه‌ریكی كۆكردنه‌وه‌ی یارمه‌تین بۆ گروپی چه‌كدارانی داعش.

جه‌ختیشی كرده‌وه‌، كۆكردنه‌وه‌ی یارمه‌تی بۆ داعش له‌ناو ئێران زه‌نگێكی مه‌ترسییه‌ و ده‌بێ رێگری لێبكرێت.