بەپێی ھەواڵی میدیاکانی تورکیا ئەمڕۆ یەکشەممە ١٥ی ئەیلوول تەقینەوەیەک لە کارگەیەکی مەعکەرۆنی لە ناحیەی ھێندێکی سەر بە ساکاریا تورکیا رویداوە، بەھۆیەوە ٢٨ کرێکاری کارگەکە برینداربوون کە برینی ٦ کەسیان سەختە.
بە گوێرەی زانیارییەکان بەھۆی تەقینەوەکە ئاگر لە ناوچەکە کەوتوەتەوە زیانی زۆری بە بینای کارگەکە و دەوروبەری گەیاندووە، تائێستا ھۆکاری تەقینەوەکە و زیانەکانی ئاشکرا نەکراوە.