دوابەدوای ئەوەی هەوڵە دیپلۆماسییەکانی ئێران بۆ ڕێگریکردن لە گەڕانەوەی سزا نێودەوڵەتییەکان بۆ سەر وڵاتەکەی شکستی هێنا نرخی تمەن بۆ نزمترین ئاست لە مێژوودا دابەزی.
ئەمڕۆ شەممە ٢٧ی ئەیلول و دوابەدوای دەستپێکردنەوەی سزاکانی سەر ئێران بەهای تمەنی ئیرانی بۆ نزمترین ئاست لە میژوودا دابەزی و هەر ١٠٠ دۆلاری ئەمریکی بە زیاتر لە ١١ ملیۆن تمەن مامەڵەی پێوەکرا.
ئەمە لە کاتێکدایە رۆژی پێنجشەممە، بەهای ١٠٠ دۆلار بەرامبەر بو بە کەمتر لە ١٠ ملیۆن و ٥٠٠ هەزار تمەن.
لای خۆیەوە مەسعود پزیشکیان سەرۆک کۆماری ئێران بە میدیای فەرمی وڵاتەکەی راگەیاند کە بە هاوکاری لەگەڵ وڵاتانی ناوچەکە و گەلی ئێران بەسەر کێشەکاندا زاڵ دەبن و ئەو قۆناغەش تێدەپەڕێنن.