رۆژنامەی وۆڵ ستریت جۆرناڵ ئاشکرای دەکات کە وڵاتانی کەنداو لە ڕێگەی پەیوەندییە تەلەفۆنییە بەردەوامەکانیانەوە گوشار دەخەنەسەر سەر ترەمپ بۆ ئەوەی (ئەرکەکە تەواو بکات) و پێش ئەوەی هەنگاوی تر بنرێت، و ئێران لەناو ببات.

ڕۆژنامەی وۆڵ ستریت جۆرناڵ لە زاری دوو سەرچاوە بلاویکردوەتەوە کە " محەمەد بن سەلمان، شازادەی جێنشینی سعوودیە، لە لێواری بڕیاردانە بۆ بەشداریکردن لە هێرشەکاندا.".

یەکێک لە سەرچاوەکان ئاماژەی بەوە کردووە، کە چوونە ناو شەڕی پاشایەتیی سعوودیە تەنها مەسەلەی کاتە و هیچی تر.

ئاشکراشی کردوە کە " لە هەمان کاتدا، دەوڵەتی ئیماراتی یەکگرتووی عەرەبی هەڵمەتێکی دژی ئەو سەرمایە و داراییانە دەست پێ کردووە، کە موڵکی ئێرانن، ئەمەش هەڕەشەیە بۆ سەر شادەماری سەرەکیی ژیانی تاران. هاوکات ئیمارات سەرقاڵی تاووتوێکردنی ئەوەیە ئایا سوپاکەی بنێرێتە ناو جەنگەکەوە یان نا و دژایەتی هەر ڕێککەوتنێکی ئاگربەست دەکات، کە ببێتەهۆی هێشتنەوەی بەشێک لە توانا سەربازییەکانی ئێران بە ساغی."

رۆژنامەکە دەڵێت" بەرپرسانی عەرەب ئاماژەیان بەوە کردووە، کە سەرکردەکانی وڵاتانی کەنداو، بە تایبەتی ئیمارات و سعوودیە، لە ڕێگەی پەیوەندییە تەلەفۆنییە بەردەوامەکانیانەوە گوشار دەخەنەسەر ترەمپ بۆ ئەوەی (ئەرکەکە تەواو بکات) و پێش ئەوەی هەنگاوی تر بنرێت، توانا سەربازییەکانی ئێران بەتەواوی تێکبشکێنێت".