ئەو رەشنووسەی کە لە نێوان ئەمەریکا و ئێرانەوە بە ناوبژیوانی پاکستان ئامادە کراوە نۆ خاڵەو، نزیکە هەردوولا لەسەری رێکبکەون، ئەوە لە کاتێکدایە کە ئەگەری سەربازیش هاوشانی رێککەوتن گەرمە.
خاڵەکانی رەشنوسی رێککەوتنەکە کە لەچەند میدیایەکی جیهانی و عەرەبی بڵاوکراونەتەوە بەمشێوەیەیە:
- ڕەشنووسی ڕێککەوتنەکە ئاگربرەوێکی دەستبەجێ، گشتگیر و بێمەرج لە هەموو بەرەکانی شەڕدا دەگرێتەوە.
- ڕەشنووسەکە پابەندبوون بە نەکردنە ئامانجی ژێرخانی سەربازی، مەدەنی یان ئابووری دەگرێتەوە.
- ڕەشنووسی ڕێککەوتنەکە ڕاگرتنی ئۆپەراسیۆنە سەربازییەکان و ڕاگرتنی شەڕی ڕاگەیاندن (میدیایی) لەخۆدەگرێت.
- ڕەشنووسەکە ڕێزگرتن لە سەروەری، یەکپارچەیی خاک و دەستوەرنەدان لە کاروباری ناوخۆ دەگرێتەوە.
- ڕەشنووسەکە زامنکردنی ئازادیی دەریاوانی لە کەنداوی عەرەبی، گەرووی هورمز و دەریای عومان دەگرێتەوە.
- ڕەشنووسی ڕێککەوتنەکە پێکهێنانی میکانیزمێکی هاوبەش بۆ چاودێریکردن و چارەسەرکردنی ناکۆکییەکان لەخۆدەگرێت.
- ڕەشنووسەکە دەستپێکردنی وتوێژەکان سەبارەت بە پرسە هەڵپەسێردراوەکان لە ماوەی ٧ ڕۆژدا لەخۆدەگرێت.
- ڕەشنووسەکە هەڵگرتنی قۆناغ بە قۆناغی سزاکانی ئەمریکا لەخۆدەگرێت لە بەرامبەر پابەندبوونی ئێران بە مەرجەکانی ڕێککەوتنەکەوە.
- ڕەشنووسەکە دووپاتکردنەوەی پابەندبوون بە یاسا نێودەوڵەتییەکان و پەیماننامەی نەتەوە یەکگرتووەکان لەخۆدەگرێت.
- ڕێککەوتنەکەی نێوان ئەمریکا و ئێران دەستبەجێ دوای ڕاگەیاندنی فەرمی لەلایەن هەردوولاوە دەکەوێتە بواری جێبەجێکردنەوە.