محەمەد جەمالیان، نوێنەر و ئەندامی لیژنەی تەندروستی و چارەسەری لە پەرلەمانی ئێران ئیسلامی، ڕۆژی هەینی لە چاوپێکەوتنێکدا ڕایگەیاند کە چاندنی نایاسایی خەشخاش لە چەند پارێزگایەکی وڵاتدا بە زیادی کردووە. و ئەمەس بووەتە هۆی نیگەرانی.

وتیشی: "لە زۆرێک لە پارێزگاکانی وڵاتدا، خەڵک بە شێوەیەکی نایاسایی دەستیان بە چاندنی خەشخاش کردووە و بەپێی ئەو ڕاپۆرتانەی پێمان گەیشتوون، ڕێژەی چاندنی ئەم رووەکە زۆر بەرزە."

ئەمەش لەکاتێکدایە کە بە وتەی ئەم نوێنەرەی پەرلەمان، چاندنی خەشخاش له‌ژێر هیچ بارودۆخێکدا ڕێگەپێدراو نییە و قەدەغەیە.

جەمالیان تەنانەت ئاماژەی بە پارێزگایەک کرد کە تێیدا لە چاندنی برنجەوە ڕێڕەویان بەرەو چاندنی ئەم بەرهەمە گۆڕیوە و وتی: "لە پارێزگایەکدا پێشتر برنجیان دەچاند، بەڵام ئەمڕۆ ڕوویان لە چاندنی خەشخاش کردووە، کە بێگومان دۆزراوەتەوە و دەستی بەسەردا گیراوە."

لە مانگی ئایاردا حوسێن زولفەقاری، نوێنەری سەرۆک کۆمار و ئەمینداری گشتیی ڕێکخراوی بەرەنگاربوونەوەی مادە هۆشبەرەکان، هۆشداری دابوو: "چاندنی خەشخاش بە هیچ شێوەیەک ڕێگەپێدراو نەکراوە و هەندێک کەس بە هەڵە ئەم بابەتەیان ورووژاندووە".

خەشخاش رووەکی بەرهەمهێنانی تریاکە و تریاک یەکێک لەو مادە هۆشبەرە سەرەکییەکانە کە لە ئێران بەکارهێنەری زۆری هەیە.