لیندزی گراهام، سیناتۆری ئەمریکی لە تەمەنی ٧١ ساڵیدا کۆچی دوایی کرد و نووسینگەکەی هەواڵەکەی پشتڕاست کردەوە.

بەپێی راگەیەندراوی فەرمیی نووسینگەکەی، لیندزی گراهام تووشی نەخۆشییەکی تووند و لەناکاو بووە و بەو هۆیەوە گیانی لەدەستداوە.

پوختەیەک لە ژیانی سیاسی و دۆستایەتی لەگەڵ کورد:

گراهام یەکێک بوو لە دیارترین و کاریگەرترین سیناتۆرەکانی ئەمریکا لە پارتی کۆماری و وەک هاوڕێ و ڕاوێژکارێکی یەکجار نزیكی دۆناڵد ترەمپ دەناسرا، بەتایبەت لە دۆسیەکانی سیاسەتی دەرەوەدا.

ناوبراو بە یەکێک لە "دۆستە دڵسۆزەکانی کورد" لە ناو کۆنگرێسی ئەمریکادا هەژمار دەکرا. دوای هێرشەکانی سوپای سوریا و هاوپەیمانەکانی بۆ سەر ڕۆژاوای کوردستان، پڕۆژە یاسای تایبەتی بۆ پاراستنی کورد پێشکەش بە کۆنگرێس کرد و چەندین جار داکۆکی سەختی لە قوربانییەکانی گەلی کورد کردووە.

گراهام یەکێک لە راشکاوترین سیناتۆرەکانی ئەمریکا دژ بە ئێران بوو و لایەنگری هێرشی سەربازیی ئەم دواییانەی ئەمریکا بۆ سەر ئێران بوو.