وتەبێژی سوپای پاسدارانی ئێران لە چاوپێکەوتنێکدا لەگەڵ ئاژانسی "تەسنیم" هۆشدارییەکی توندی ئاڕاستەی بەریتانیا و وڵاتانی ناوچەکە کرد.

حسێن موحیبی، وتەبێژی سوپای پاسدارانیهەر وڵاتێک — چ بەریتانیا بێت یان وڵاتانی کەنداو — خاوەن خاک یان ئاسمانی خۆی بخاتە خزمەت هێرشەکانی ئەمریکا بۆ سەر ئێران، دەبێتە ئامانجێکی ڕەوا بۆ هێزە چەکدارەکانی ئێران.

موحیبی ئاماژەی بەوە کرد کە لەم دواییانەدا فڕۆکە بۆمبهاوێژەکانی B-1ی ئەمریکی فڕۆکەخانەکانی بەریتانیایان بۆ هێرشکردنە سەر ئێران بەکارهێناوە.

وتەبێژی سوپای پاسداران ڕایگەیاند کە بەریتانیا مێژوویەکی ڕەشی لە ناوچەکەدا هەیە و بڕیار و ئیرادەی سیاسیی بەتەواوی لە دەستی ئەمریکادایە.

جەختی کردەوە کە سوپای پاسداران بۆ تەواوی بارودۆخ و پێشهاتەکان سناریۆی دیاریکراو و ئامادەکراوی هەیە.