بەپێی دوایین ئامار لەماوەی شەڕی چوار ساڵەی سوریا زیاتر لە 230 هەزار كەس كوژراون كە زیاتر لە 11 هەزار كەسیان منداڵ بوون.

بەرپرسی ناوەندی چاودێری مافی مرۆڤی سوریا، رامی عەبدولڕەحمان بە رۆژنامەی شەرقولئەوسەتی رایگەیاند لەسەرەتای شەڕی سوریا‌و لەگەڵ كوژران یەكەم كەس لە پارێزگای دەرعا لە 18ی مارسی 2011 تا 8ی مانگی ئایاری 2015، 230 هەزار‌و 618 كەس كوژراون.

بە وتەی ناوبراو لەو ژمارەیە 69 هەزار‌و 494 كەس خەڵكی مەدەنی، 41 هەزار‌و 11 كەس نەیارانی سوریا‌و كوردەكان، 31 هەزار‌و 247 كە لە هێزە بیانییە توندڕەوەكان، 49 هەزار‌و 106 كەس لەهێزەكانی بەشار ئەسەد، 36 هەزار‌و 464 كەس لەچەكدارانی لایەنگری حكومەتی سوریا‌و 3 هەزار‌و 191 كەسیش نەناسراون.

ئاماژە بەوەش دەكات لەنێو كەسانی مەدەنی 11 هەزار‌و 492 كەسیا منداڵ‌و 7 هەزار‌و 371 كەسیان ژنی سەرو تەمەن 18 ساڵ بوون.