گەریلاکانی پارتی کرێکارانی کوردستان لە هەرێمی ئاگری بۆری گازی سروشتی نێوان تورکیاو ئێرانیان تەقاندەوە.
کەناڵی بی بی سی لەزاری حکومەتی تورکیەوە بڵاویکردەوە ئەو بۆری غازە کە تەقێنراوەتەوە لەناوچەی ئاگریەو ١٥ کم دوورە لە سنوری ئێرانەوە، بەڵام بەپێی بەرپرسە تورکەکە توانیویانە کۆنترۆڵی ئاگرەکە بکەن و چاکی بکەنەوە.
لەلایەکی ترەوە شەوی رابردوو ٧/٢٧ لە شاری مووش ئەفسەرێکی پایە بەرزی تورکی بە پلەی رائید بە ناوی " ئەسلان کولاکسیز"ەوە کوژراوەو وەک (بی بی سی) دەڵێت هاوسەرەکی و مناڵەکانیش برینداربوون.